اقش پرەزيدەنتى دونالد ترامپقا بايلانىستى بۋرحانۋددين ابدۋلحاكيم ءوز پىكىرىن فەيسبۋك پاراقشاسىنا جازدى دەپ حابارلايدى قامشى اقپاراتتىق اگەنتتىگى. ول ترامپتىڭ مۇسىلماندارعا ايتقان سوزدەرىن سىنعا الىپ، ءوز ويىن ءبىلدىردى.
ترامپتىڭ پرەزيدەنت بولىپ سايلانعاننان كەيىن، العاشقى ساپارىن ساۋد ارابياسىنا جاساۋى تەگىن ەمەس. تەك ساۋد ەمەس، ارتىنان يزرايل سوسىن ريمگە بارادى. بۇل نەنى بىلدىرەدى؟ بۇل ءالى كۇنگە الەمدىك ءۇش ءدىننىڭ حالىقارالىق ساياساتتا سالماعى بار دەگەنىن بىلدىرەدى. جاڭا تۇسكەن كەلىن الدىمەن اتا-ەنەسىنە ءيىلىپ سالەم بەرەتىنى سەكىلدى، ترامپگۇل دا تاياۋ شىعىستىڭ قارتتارىنا سالەم بەرەيىڭ دەگەنى عوي.
دەگەنمەن ءوز تىلىنە يە بولا المايتىن ترامپ، سايلاۋ الدىن "مۇسىلمانداردى اقش-قا كىرگىزۋگە تىيىم سالۋ كەرەك"، "اقش-تىڭ يزرايلدەگى ەلشىلىگىن يەرۋساليمگە اۋىستىرامىز" دەگەن سيپاتتاعى بايقاۋسىز سويلەمدەر ايتىپ، ءبىراز مۇسىلماننىڭ اشۋىنا ءتيىپ ەدى. ءيا، ءبىراق پرەزيدەنت ەسالاڭ بولسا دا، ونىڭ قاسىنداعىلار اقىماق ەمەس. 2 ميلليارادقا جاقىن مۇسىلماننىڭ امەريكاعا دۇشپاندىعى ەمەس، دوستىق سەزىمى قاجەت.
سونىمەن ترامپ نەگە ساۋدياعا كەلدى؟
بىرىنشىدەن، 1945 جىلى رۋزۆەلت پەن كورول ابدۋرراحمان بين ءال-ساۋدتىڭ نەگىزىن قالاپ كەتكەن امەريكان-ساۋد دوستىعى باراق باتىردىڭ كەزىندە "يرانمەن كەلىسىمشارت" ماسەلەسىنە بايلانىستى ءبىراز ناشارلاپ كەتىپ ەدى. ياعني اراپتاردىڭ رەنجىگىەن كوڭىلىن اۋلاپ، قايتا ءۇمىت بەرۋ ءۇشىن كەلدى.
ەكىنشىدەن، وسى ءساتتى پايدالانا وتىرىپ 55 مۇسىلمان مەملەكەتتەن كەلگەن ليدەرلەرگە ءوزىن كورسەتىپ، اڭگىمەسىن ايتىپ كەتۋ. ونىڭ ۇستىنە مۇسىلمانداردىڭ ءوز مىنبەرىنە شىعىپ، ولارعا نە ىستەۋ كەرەك ەكەندىكتەرىنە باعدار ايتىپ، نۇسقاۋلار بەرۋ - كرۋتو ەمەس پە؟ (بۇرىن بۇنداي تەك حاليفالاردىڭ قولىنان كەلگەن).
ۇشىنشىدەن، يراننىڭ كەيىنگى كەزدەردەگى ەكسپانسيالىق ساياساتىنان قورقىپ قالعان، ساۋدتارعا 300 ميللياردقا(!) قارۋ-جاراق ساتۋ ءۇشىن كەلدى. نەگىزى ساۋدتار بۇل قارۋ-جاراقتى السا دا، ولاردى ءتيىمدى قولدانۋ ءۇشىن كەرەكتى ماماندارى دا، ميلارى دا جەتپەيتىنىن ەسكەرە وتىرىپ، بۇنى جاڭا كەلگەن "قوجايىنعا" بەرگەن ۆزياتكاسى رەتىندە قاراستىرۋ دۇرىسىراق سياقتى.
بۋرحانۋددين ابدۋلحاكيم جەكە پاراقشاسىنان الىنعان.
شولۋشى: اسەل وتەشوۆا
