بتا بانكى باسقارماسىنىڭ بۇرىنعى ءتوراعاسى ءسادۋاقاس مامەش وزىنە تاعىلعان ايىپتاردى تولىقتاي مويىندادى. وسىعان بايلانىستى سوت تاراپتاردى تىڭداۋ پروسەسىن كەيىنگە قالدىردى. بۇل تۋرالى الماتى قالاسىنىڭ قىلمىستىق ىستەر جونىندەگى اۋدانارالىق سوتىندا بەلگىلى بولدى، - دەپ حابارلايدى قامشى اقپاراتتىق اگەنتتىگى Tengrinews.kz باسىلىمىنا سىلتەمە جاساپ.

"ماعان تاعىلعان ايىپتاردىڭ بارلىعىن مويىندايمىن جانە ىستەگەن ىسىمە وكىنەمىن"، - دەدى ول.

ايتا كەتەيىك، وسىعان دەيىن باسقارما ءتوراعاسىنىڭ ءبىرىنشى ورىنباسارى جاقسىلىق جارىمبەتوۆ تا كىناسىن تولىقتاي مويىنداعان ەدى.

ايتا كەتەيىك، ءابليازوۆتىڭ ءوزى سوتقا قاتىسىپ جاتقان جوق، ونىڭ مۇددەسىن مەملەكەت تاعايىنداعان ادۆوكات قورعاپ وتىر. سوتتالۋشى رەتىندە بتا بانكىنىڭ بۇرىنعى توپ-مەنەدجەرلەرى قاراستىرىلىپ وتىر. ولار - باسقارما ءتوراعاسى ءسادۋاقاس مامەش، باسقارما ءتوراعاسىنىڭ ءبىرىنشى ورىنباسارى - كرەديت كوميتەتىنىڭ ءتوراعاسى جاقسىلىق جارىمبەتوۆ، كرەديتتەۋ بويىنشا ديرەكتور قايرات سادىقوۆ. مامەش پەن سادىقوۆ سوتتا ءوز كىناسىن ءىشىنارا مويىنداسا، جارىمبەتوۆ تولىقتاي مويىنداپ وتىر. 

ەسكە سالايىق، ءابليازوۆ قىلمىستىق توپ قۇردى جانە وعان باسشىلىق ەتتى، بتا بانكىنىڭ قاراجاتىن جىمقىردى جانە ولاردى زاڭداستىردى، بانك قاراجاتىن زاڭسىز قولداندى جانە وكىلەتتىگىن تەرىس پايدالاندى دەپ ايىپتالىپ جاتىر. "تەرگەۋ بارىسىندا انتيكوررۋپسيا قىزمەتى ءابليازوۆ پەن ونىڭ سىبايلاستارىنىڭ زاڭسىز ارەكەتتەرىنىڭ قوسىمشا دالەلدەرىن تاپتى. بانكتەن قاراجاتتى جىمقىرۋدىڭ جاڭا نۇسقالارى اشىلدى. انىقتالعان دەرەكتەر ءابليازوۆتىڭ قىلمىستىق ۇيىم قۇرىپ، وعان باسشىلىق ەتكەن دەگەن قوسىمشا كۇدىك كەلىپ وتىر. ونىڭ ىشىندە ءبىرقاتار ۇيىمداسقان قىلمىستىق توپ كىرەدى، توپ قازاقستان تەرريتورياسىندا دا، شەتەلدە دە ارەكەت ەتكەن"، - دەلىنگەن ەدى ۆەدومستۆو حابارلاماسىندا.