اۋىل تۇرعىندارىنا مەملەكەتتىك قىزمەت تۇرلەرى قولجەتىمدى. بۇرىن الىستاعى اعايىن قۇجات تاپسىرۋ ءۇشىن اۋدان ورتالىعىنا بارۋعا ءماجبۇر بولاتىن. ولقىلىقتىڭ ورنىن تولتىرۋ ماقساتىندا ءموبيلدى حالىققا قىزمەت كورسەتۋ ورتالىقتارى جۇمىس ىستەيدى. ال ولاردىڭ سانى 70-كە جەتتى. بۇدان بولەك بيىل اۋىلدىق «قازپوشتا» بولىمشەلەرى ارقىلى مەملەكەتتىك قىزمەتتەردى الۋ ءۇشىن پيلوتتىق جوبا قولعا الىندى. 2 مىڭنان استام پوشتا بولىمشەسى قاتىساتىن جوبا 8 ميلليونعا جۋىق تۇرعىنعا قىزمەت كورسەتەدى دەپ جوسپارلانعان. ءمينيستردىڭ ايتۋىنشا، الداعى ۋاقىتتا 2 مىڭعا جۋىق اۋىل عالامتورعا قوسىلادى، دەپ حابارلايدى قامشى اقپاراتتىق اگەنتتىگى حابار ارناسىنىڭ مالىمەتىنە سۇيەنىپ.

 «قالا مەن اۋىلدىڭ سيفرلىق ايىرماشىلىعىن ازايتۋىمىز كەرەك. سوندىقتان وعان ارنايى باعدارلاما جاسادىق. 3 جىلدىڭ ىشىندە 1900 اۋىلدى مەكەنگە ينتەرنەت جەتەدى. بۇل باعدارلاما اياسىندا ءبىز ارنايى تاريفتەردى قاراستىرامىز. اۋىلدى مەكەندەرگە ارنايى تاريف بەرەمىز»، – دەيدى ق ر اقپارات جانە كوممۋنيكاسيالار ءمينيسترى داۋرەن ابايەۆ.

شولۋشى: ايگەرىم تاۋباي