اقش-تا قۇپيا قۇجاتتاردى ۇرلاعان دەگەن ايىپپەن مەملەكەتتىڭ ۇلتتىق قاۋىپسىزدىك اگەنتتىگى ءۇشىن جۇمىس ىستەيتىن كومپانيانىڭ قىزمەتكەرى تۇتقىندالدى، دەپ جازادى قامشى اقپاراتتىق اگەنتتىگى.

25 جاستاعى ۆيننەر امەريكالىق دجوردجيا شتاتىنىڭ مەملەكەتتىك ورگانىنان قۇپيا اقپاراتتى الىپ شىعىپ، جۋرناليستەرگە تاپسىرعان.

Intercept پورتالى ۇلتتىق قاۋىپسىدىك اگەنتتىگىنىڭ قۇپيا بايانداماسىن جاريالاعاننان كەيىن ۆيننەرگە ايىپ تاعىلدى. قۇجاتتار رەسەيدىڭ اقش-تا وتكەن پرەزيدەنتتىك سايلاۋىنا ارالاسۋى جايىندا بولعان.

ۆيننەر 3 ماۋسىمدا تۇتقىندالدى. قىزعا قارسى ايىپتار – قورعانىس تۋرالى جيناۋ، اۋدراۋ، دەرەكتەردى جوعالتۋ، دەپ حابارلايدى ب ا ق.

پەنتاگون كەلىسىمى بويىنشا جۇمىس ىستەپ جۇرگەن Pluribus حالىقارالىق كورپوراسياسىنىڭ قىزمەتكەرى ۆيننەر دجوردجياداعى ۇلتتىق ءقاۋىپسىزدىڭ اگەنتتىگىندە اقپان ايىنان باستاپ ىستەگەن، دەپ جازادى ەن-بي-سي.

Intercept پورتالىندا جاريالانعانداي قۇجاتتاردا اقش سايلاۋ الدى جۇيەسىندە رەسەيلىك اسكەري بارلاۋ قىزمەتكەرلەرىنىڭ كەمىندە ءبىر باعدارلاماعا كيبەرشابۋىل جاساماق بولعانى انىقتالعان.

الايدا قۇجاتتا حاكەرلەردىڭ بۇل ارەكەتىنىڭ ءساتتى اياقتالعانى جايىندا اقپارات جوق.

ۇلتتىق قاۋىپسىزدىك اگەنتتىگىنىڭ فايلىندا بەرىلگەن اقپاراتتار 2042 جىلدىڭ مامىر ايىنا دەيىن قۇپيا ساقتالۋى ءتيىس ەدى.

امەريكالىق ارنايى قىزمەتكەرلەر بۇدان بۇرىن دونالد ترامپتىڭ جەڭىسكە جەتۋىنە سەپتىگىن تيگىزدى دەپ كرمەلدى ايىپتاعان بولاتىن.

اقش پرەزيدەنتى اتالمىش ايىپتاۋلاردان باس تارتىپ، مۇنى ب ا ق اراسىنداعى قاۋەسەت ءسوز دەپ قانا باعالادى.

شولۋشى: گۇلىم جاقان