31 جاستاعى انتون كۋدرياۆسيەۆ التى بالانى جالعىز ءوزى تاربيەلەگەن. ونىڭ ومىرىندە قايعىلى جاعداي بولدى. ونىڭ ايەلى قاتەرلى ىسىكتەن كوز جۇمدى.

انتون مەن انيانىڭ ءۇش بالاسى بار. انيا قاتەرلى دەرتكە شالدىققاندا جۇكتى ەدى. انيا ۇشەمنىڭ ءومىرىن ساقتاپ قالۋ ءۇشىن ءوز ءومىرىن قۇربان ەتتى.

جۋرناليستەر انتون تۋرالى سيۋجەت كورسەتكەننەن كەيىن، وعان ەلدىڭ تۇكپىر-تۇكپىرىنەن حاتتار كەلە باستادى.

كەيبىرىمەن انتون كەزدەسىپ ءجۇردى. الايدا ءبىرىنشى كەزدەسۋدە-اق وتباسىلىق ومىرگە دايىن با، وزگەنىڭ بالاسىن باۋىرىنا باسا الادى ما دەگەن سۇراققا جاۋاپ ىزدەيتىن.

تولاسسىز كەلىپ جاتقان حاتتىڭ ىشىندە ليۋدميلا ەسىمدى ايەلدەن دە حات كەلىپ ءتۇستى. ونىڭ جازعانى بىردەن ەر ادامدى باۋراپ الدى. ليۋدانى ءبىر بالاسى بار ەكەن. باستاپقى كەزدە حات الماسىپ ءجۇرىپ، كەيىنىرەك ەكەۋى كەزدەسەدى. انتون كەزدەسۋگە بالالارىن ەرتىپ بارادى. ليۋدانى كورگەن بالالار ونى بىردەن ۇناتىپ قالادى.

بىرنەشە ۋاقىت وتكەننەن كەيىن انتوننىڭ عاشىعى ول تۋرالى ەستىمەي تۇرىپ ءتۇس كورگەنىن ايتادى. ول تۇسىندە جەتى بالانى تاربيەلەپ وتىرعانىن كورگەن. كەلەسى كۇنى انتون تۋرالى سيۋجەت كورگەننەن كەيىن تاعدىردىڭ ءوزى بەلگى بەرگەندەي كورىنگەنىن ايتادى. انتون مەن ليۋدا ۇيلەندى.

ولار ساۋىقتىرۋ ورتالىعىنا كومەكتەسەتىن. وندا ءۇيسىز جۇرگەندەردى، ناشاقورلار مەن ىشىمدىككە سالىنعانداردى جاتقىزادى. سونداي ەمدەلۋشىلەردىڭ ءبىرى قايتىس بولادى. ونىڭ ەكى بالاسى بار ەدى.  

«ءبىز انتونمەن ويلانىپ، بۇل بالالارعا بىزدەن باسقا ەشكىم كومەكتەسپەيتىنىن ەسكەرىپ، ەكى بالانى اسىراپ الدىق» دەيدى ليۋدميلا.

بالالارىنا قاراۋ ءۇشىن ليۋدا سۇيىكتى جۇمىسىنان شىعىپ كەتتى. ونىڭ سوزىنشە، بۇل ونىڭ ومىرىندەگى ەڭ قيىن ساتتەردىڭ ءبىرى بولدى. ءقازىر ليۋدا كۇندە تاڭعى 6.30-دا تۇرادى. كۇنىنە ەكى رەت 5 ليتر سورپا دايىندايدى.

وتباسىنىڭ جەكە شارۋاشىلىعى بار. ال انتوننىڭ جوندەۋ جۇمىستارىمەن اينالىساتىن توبى بار.  

دايىنداعان: سابينا رامازان