اۋەزوۆ اۋدانىنىڭ پوليسەيلەرى ەگدە جاستاعى ادامداردان سىرعالار مەن القالارىن جۇلىپ الىپ جۇرگەن ەر ادامدى ۇستادى، - دەپ حابارلايدى tengrinews.kz.  ىشكى ىستەر باسقارماسىنا بەلگىسىز بىرەۋدىڭ اشەكەي زاتتاردى جۇلىپ اكەتىپ جۇرگەنى جايلى شاعىمدار كەلىپ تۇسكەن. وڭتۇستىك قازاقستان وبلىسىنىڭ 1984 جىلعى تۇرعىنى بىرنەشە رەت وسىنداي قىلمىس جاسادى دەگەن كۇدىكپەن ۇستالىپ وتىر. ەر ادامنىڭ ايتۋىنشا، ول قارجى جاعىنان قىسىلعاندىقتان، وسىنداي ارەكەتتەرگە بارۋعا ءماجبۇر بولعان. "ول ۆيدەوباقىلاۋ كامەراسى ورناتىلماعان جەرلەردى تاڭداپ جۇرگەن. ەگدە جاستاعى ادامداردى كورگەندە سوڭىنان ەرىپ، سىرعالارى مەن القالارىن جۇلىپ، قاشىپ كەتىپ جۇرگەن. ارينە، ەگدە جاستاعى ادامدار ونىڭ سوڭىنان قۋىپ جەتە المايدى. قۋىپ جەتە السا دا، ونى ۇستاي المايدى.

بىردە ءبىر زەينەتكەر ايەل ۇيىنە كىرەبەرىس جەردە سومكەسىن قويىپ قويعان. سول ساتتە ەر ادام ۆيدەوباقىلاۋ كامەراسىنا ءتۇسىپ قالدى. سونداي-اق، ەر ادامنىڭ وسىعان دەيىن سوتتى بولعانى انىقتالدى. جەدەل-ىزدەستىرۋ شارالارى بارىسىندا ونى ۇستادىق. كۇدىكتى بىرنەشە قىلمىسىن مويىنداپ وتىر"، - دەدى اۋەزوۆ اۋداندىق ءىىب باسشىسىنىڭ ورىنباسارى، پوليسيا پولكوۆنيگى قۇماربەك كەنشىنبايەۆ. قازىرگى ۋاقىتتا كۇدىكتى ءىىد ۋاقىتشا ۇستاۋ يزولياتورىندا. سونىمەن قاتار، ونىڭ باسقا دا قىلمىستارعا قاتىسى جانە سىبايلاستارىنىڭ بار-جوعى انىقتالىپ جاتىر.