تەرگەۋ كوميتەتى الەۋمەتتىك جەلىدە ءبىر توپ وقۋشى قىزداردىڭ ءوز قۇرداستارىن اياۋسىز سوققىعا جىققان ساتتەگى ۆيدەوسى پايدا بولعاننان كەيىن تەكسەرىس جۇمىستارىن جۇرگىزۋدى باستاعان، دەپ حابارلايدى قامشى اقپاراتتىق اگەنتتىگى نتۆ ارناسىنا سىلتەمە جاساپ.
ماسكەۋلىك ءبىر توپ وقۋشى قىزدار وزدەرىنىڭ ءبىر تانىس قىزىنا بەسەۋ بولىپ جابىلىپ، ونى اياۋسىز سوققىعا جىقتى. ۆيدەودا كورىنىپ تۇرعانداي اتالمىش وقيعا ورىن العان جەردە باسقا دا قىزدار تۇرعان، سونىمەن قاتار، بىرەۋلەرى ولاردى ۆيدەوعا ءتۇسىرىپ تۇرعان.
باقىلاپ تۇرعاندار سوققىعا جىعىلعان قىزعا بولىسۋدىڭ ورنىنا، كەرىسىنشە، ودان سايىن قىزدارعا «ۇر! تەپ!» دەپ ۇران تاستاعان.
سوققىعا جىعىلعان قىز بار داۋىسىمەن «توقتاتىڭدار بولدى!» دەپ ايعايعا سالعانىمەن، ەش پايداسى بولمادى.
الەۋمەتتىك جەلى قولدانۋشىلارى سوققىعا جىعىلعان قىز بەن اياۋسىز ۇرىپ-سوققان قىزداردى ءوز بەتىنشە انىقتاۋعا تىرىستى.
شولۋشى: نازەركە لابيحان
