قايعىلى جاعداي نوۆوسيبيرسك اۋدانىنداعى نوۆوكۋرۋپكايەۆكا اۋىلدا سەيسەنبى كۇنى ورىن العان، دەپ جازادى قامشى اقپاراتتىق اگەنتتىگى.
جەرگىلىكتى باق-تىڭ حابارلاۋىنشا، 4 جاسار ۇل بالا مەن 2 جاستاعى قىز بالا قولدارىنا سىرىڭكە ۇستاپ، اۋلادا تۇرعان اكەلەرىنىڭ ۆاز-2106 اۆتوموبيلىنە كىرگەن.
سالوندا وتىرىپ سىرىڭكەمەن ويناماق بولعان بالالار الگى سىرىڭكەنى جاعا بەرگەندە، كولىك ورتكە ورانعان. كولىكتەن شىعا الماعان بالالار ىشىندە قالىپ قويىپ، قازا تابادى.
ءدال وسى ۋاقىتتا ەكى بالانىڭ اكەسى 9 ايلىق سابيمەن ءۇي ىشىندە بولعان، ال اناسى شارۋالارىمەن سىرتقا شىعىپ كەتكەن كورىنەدى.
بۇگىندە ەكى بالانىڭ ولىمىنە قاتىستى تەرگەۋ جۇمىستارى جۇرگىزىلىپ، اۆتوموبيلدەگى ءورتتىڭ كەسىرىنەن بولعانى انىقتالدى.
شولۋشى: گۇلىم جاقان
