سولتۇستىك قازاقستان وبلىسىندا اۋىل تۇرعىنى ىشىمدىك ءىشۋ كەزىندە تۋىنداعان جانجال بارىسىندا ايەل كىسى مەن ونىڭ بالاسىن پىشاقتاپ ءولتىردى، دەپ حابارلايدى قامشى اقپاراتتىق اگەنتتىگى Sputnik قازاقستانعا سىلتەمە جاساپ.
پوليسيا اقپاراتىنا سايكەس، وبلىستىڭ اققايىڭ اۋدانىندا بولعان ەكى كىسى ءولىمى بەينە باقىلاۋ كامەرالارىنىڭ كومەگىمەن اشىلدى.
"بىرلەسىپ ىشىمدىك ءىشۋ بارىسىندا جانجال تۋىنداپ، ەر ادام پىشاق الادى. سميرنوۆوعا جۇمىس ىستەۋگە كەلگەن لەنينسك كەنتىنىڭ 25 جاستاعى تۇرعىنىنىڭ قۇربانى 47 جاستاعى ايەل مەن ونىڭ 25 جاسار ۇلى بولعان"، — دەپ اقپاراتتاندىردى ىىد-دە. اسا اۋىر قىلمىس جاسادى دەگەن كۇدىكتىنى اۋداندىق پوليسيا قىزمەتكەرلەرى بىرنەشە ساعاتتان سوڭ ۇستاعان. كۇدىكتى قىلمىستى مويىنداعانى اتاپ كورسەتىلدى.
