بجزق سايتىندا ءبىرىڭعاي زەينەتاقى جيناقتاۋشى قورى ديرەكتورلارى كەڭەسىنىڭ جاڭا قۇرىلىمى جاريالاندى، بۇل وزگەرىستەر تۋرالى الدىن الا ەشتەڭە ايتىلماعان بولاتىن. ديرەكتورلار كەڭەسى قۇرامى نە سەبەپتەن وزگەرگەنى بەيمالىم. بجزق ديرەكتورلار كەڭەسىنىڭ قۇرامىنا كىرگەندەردىڭ ىشىندە «استانا» حالىقارالىق قارجى ورتالىعىنىڭ ءتوراعاسى قايرات كەلىمبەتوۆ تە بار، مۇنى سايتا جاريالانعان جاڭارتىلعان تىزىمنەن اڭعارۋعا بولادى، دەپ جازادى قامشى اقپاراتتىق اگەنتتىگى.

وسىلايشا، بجزق-نىڭ ديرەكتورلار كەڭەسىنىڭ جاڭارعان قۇرامىنا «بجزق» اق ديرەكتورلار كەڭەسى ءتوراعاسى، قازاقستان رەسپۋبليكاسىنىڭ ۇلتتىق بانك ءتوراعاسىنىڭ ورىنباسارى دينا عالييەۆا، «بجزق» اق  ديرەكتورلار كەڭەسى مۇشەسى، جالعىز اكسيونەردىڭ وكىلى قايرات كەلىمبەتوۆ، «بجزق» اق  ديرەكتورلار كەڭەسى مۇشەسى، جالعىز اكسيونەردىڭ وكىلى رۋسلان بەكەتايەۆ، «بجزق» اق  ديرەكتورلار كەڭەسى مۇشەسى، قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ الەۋمەتتىك قامتاماسىز ەتۋ جانە الەۋمەتتىك ساقتاندىرۋ دەپارتامەنتىنىڭ ديرەكتورى مايراش قوزجانوۆا، «بجزق» اق  ديرەكتورلار كەڭەسى مۇشەسى، تاۋەلسىز ديرەكتور بيسەنعالي تادجياقوۆ، «بجزق» اق  ديرەكتورلار كەڭەسى مۇشەسى، تاۋەلسىز ديرەكتور قادىرجان داميتوۆ، «بجزق» اق  ديرەكتورلار كەڭەسى مۇشەسى، تاۋەلسىز ديرەكتور Global Sovereign Advisors  سەرىكتەستىك  باسقارۋشىسى بوريس بوروزان جانە«بجزق» اق  ديرەكتورلار كەڭەسى مۇشەسى، «بجزق» اق باسقارماسىنىڭ ءتوراعاسى ءنۇربيبى ناۋرىزبايەۆا ەندى.

اbctv.kzء-تىڭ دەرەككوزدەرىنە سۇيەنسەك، بجزق ديرەكتورلار كەڭەسىنەن «اتف-بانك» اق باسقارماسىنىڭ ءتوراعاسى ەنتوني ەسپين شىعىپ قالعان. قايرات كەلىمبەتوۆ بۇعان دەيىن ۇلتتىق بانك باسشىسى بولىپ تۇرعان كەزىندە بجزق اكتيۆتەرىن باسقارۋ جونىندەگى كەڭەس قۇرامىندا بولعان. بجزق ديرەكتورلار كەڭەسىنىڭ نەلىكتەن وزگەرگەنى بەلگىسىز، abctv.kz قور وكىلدەرىنەن رەسمي تۇسىنىكتەمە الۋعا تىرىسىپ جاتىر.

سونداي-اق قايرات كەلىمبەتوۆا بجزق ديرەكتورلار كەڭەسىندەگى جۇمىسىن قازىرگى جۇمىسىمەن قاتار الىپ جۇرە مە، ول جاعى دا بەلگىسىز بولىپ وتىر. ايتا كەتەرلىگى، بجزق سايتىنداعى جاڭارتىلعان تىزىمدەگى ەڭ ماڭىزدى نارسە – ول تەك بجزق ديرەكتورلارى كەڭەسى مۇشەلەرىنىڭ وزگەرگەنى عانا.

دەرەككوز: Abctv.kz