قۇتقارۋشىلار كوكشەتاۋلىق ايەلدى 3 مەترلىك قۇدىقتان الىپ شىقتى. 7 ماۋسىم كۇنى ساعات 03:52-دە توتەنشە جاعداي دەپارتامەنتىنە كاناليزاسيا قۇدىعىنا ءتۇسىپ كەتكەن ايەل تۋرالى اقپارات كەلىپ تۇسكەن. بۇل تۋرالى قامشى اقپاراتتىق اگەنتتىگى اقمولا وبلىسىنىڭ توتەنشە جاعداي قىزمەتىنە سىلتەمە جاساپ حابارلايدى.
وقيعا ورنىنا كەلىپ جەتكەن قۇتقارۋشىلار 3 مەرت تەرەڭدىككە ءتۇسىپ ايەلگە كومەكتەسپەك بولعاندا ول كومەكتەن باس تارتىپ ءومىر سۇرگىسى كەلمەيتىنىن ايتقان. 3،2 مەترلىك قۇدىق سۋىق سۋعا تولىپ جانە گازدالعان ەدى. ايەلدىڭ قارسىلىعىنا قاراماستان ونى قۇتقارۋ مۇمكىن بولعان. ايەل اۋرۋحاناعا ەسىنەن تانىپ قالعان كۇيى جەتكىزىلگەن.
شولۋشى: نازەركە مۇسا
پىكىر قالدىرۋ