حوسپيس- ناۋقاستىڭ دەمى تاۋسىلار كۇن جاقىن ەكەنىن بىلە تۇرا ونىڭ ءتاني جانە جان قينالىسىن جەڭىلدەتۋگە تىرىساتىن الەۋمەتتىك قىزمەت. بۇل جەردە ادامدار كوز  جۇمادى دەسە سەنبەڭىز. بۇل جەردەگى  ادامدار وزدەرىنىڭ  ءمورفيننىڭ (اۋرۋدى ۇيىقتاتاتىن، اۋىرعانىن باساتىن ءدارى) كۇشىمەن جۇرسگەنىنە قارامستان   ءاردايىم كوڭىلدى بولىپ، ومىرگە ەش وكپەلەمەيدى.  اۋرۋحانا اسىنا دا نارازىلىقتارىن بىلدىرمەيدى.

بۇل جەردەگى راك نەمەسە ءقاۋىپتى ىسىكپەن اۋىراتىن ناۋقاستاردىڭ ساۋساقپەن سانارلىق عۇمىرى قالعان.  ولار ءۇشىن ءار كۇن 24 ساعاتتان دا كوپ.

«بۇل اۋرۋدى ءبىر عانا سوزبەن جەتكىزۋگە بولادى: ادام توزگىسىز»

ستاندارتتى كارتون ونكولوگيالىق ورتالىعى  قالا سىرتىندا ورنالاسادى. اۋرۋحانا ەسىگى مەن قورشاۋ.  بۇل جەرگە ناۋقاستار بىرنەشە ساعاتقا عانا كەلەدى. راك ادام اعزاسىنا وتە تەز  ەنەدى. اۋرۋدان ەمدەلۋ ۇزاق ، ءارى كوپ جاعدايدا ءساتسىز.

دارىگەرلەر قولدارىنا كەلگەندى ىستەپ باعادى. ىسىكتى ناۋقاس بويىنان حيرۋرگيالىق قۇرالدار ارقىلى كەسىپ تاستاۋعا تىرىسادى. كەيدە حيميالىق ەم قولدانادى. رادياسيا ساۋلەسىمەن ادام بويىنداعى زياندى جاسۋشالاردى «كۇيدىرىپ» تاستاۋعا تىرىسادى.  بۇدان دا باسقا جاعدايلار كەزدەسىپ جاتادى. دەنەگە جايىلعان اۋرۋ اسقىنىپ، ءمورفيننىڭ كۇشى اسەر ەتۋدەن قالعان راك اۋرۋىنىڭ سوڭعى كەزەڭىندەگى ناۋقاسقا مەديسينا كومەكتەسە المايدى.

راك اۋرۋىنىڭ ءتورتىنشى ساتىسىنداعى ناۋقاستاردىڭ جاعدايى ادام توزگىسىز ،دەپ مالىمدەدى ونكولوگيالىق ديسپانسەر باسشىسىنىڭ ورىنباسارى.

بۇل دەگەن ءسوز ناۋقاس ءوز ارەكەتىنە جاۋاپ بەرە المايدى. اۋرۋى اسقىنعان ساتتە نە ىستەپ، نە قويعانىن بىلمەيدى. ۇيىندە ولارعا كىم كومەكتەسەدى؟ تۋىستارى ما؟ ولارعا كىم مورفين بەرەدى؟ كىم ءدارى ەگەدى؟ ال تۋىستارى بولماسا شە؟ دەپ ءوز كۇيىنىشىن جەتكىزدى.

حوسپيستا اۋرۋىنا ەمى جوق ناۋقاستاردىڭ اۋرۋىن باسۋ ءۇشىن دارىلەر بەرىلەدى، راكپەن اۋىرىپ توسەك تارتىپ قالعان ناۋقاستارعا كۇتىم كورسەتىلەدى. ناۋقاستاردىڭ كوپشىلىگى 1 اپتا ، ال كەيبىرى ءتىپتى 1 كۇندە دۇنيەدەن وزادى. ال كەيبىرى جىلدار بويى حوسپيستا كۇن كەشەدى. باستىسى ول كىسىلەر ءتىرى. بارلىق ادامدار سەكىلدى كۇتىم مەن نازاردى تالاپ ەتەدى.

«مەنىڭ ارمانىم قانداي؟ مەنىڭ ءومىر سۇرگىم كەلەدى!»

ەكى توسەك، قىسقا باعانا، تەلەديدار. توسەكتىڭ بىرىندە 50 جاس شاماسىنداعى ەر ادام اياعىن بۇكتەپ يەگىنە تاقاپ وتىر. جانارى ءبىر نۇكتەگە قادالىپ، ءۇنسىز وتىر. دەميان ەسىمدى ناۋقاس بۇرىن ۋنيۆەرسيتەتتە وقىتۋشى بولعان. كەسەل دەنەسىنىڭ بارلىق بولىگىنە تاراعان، راك سۇيەكتەرىنە ءوتىپ، ءتىرى ولىككە اينالدىرعان. اۋرۋعا بەرىلگەن ناۋقاستىڭ اياقتارى ءوز دەنەسىن كوتەرە المايتىن حالگە جەتكەن. ەر ادام كوپتەن بەرى توسەكتەن تۇرماعان جانە ستۋدەنتتەرى بۇل كۇيىن كورمەگەنىن قالايدى.

دەمياننىڭ قولىندا كىتاپ. رومان وقىپ جۇرگەنىن ايتتى. اقىرىنداپ ءوزى تۋرالى، ءوزىنىڭ ارماندارى مەن جوسپارلارى تۋرالى ايتتى. ساياسات پەن ءومىر، اۋا رايىن دا ءسوز ەتتى.

دەمياننىڭ كورشىسىنىڭ جاسى 59-دا. ماماندىعى بويىنشا ، سەرگەي -گەودەزياشى. بۇل ناۋقاستىڭ حوسپيسقا كەلگەنىنە ءبىر جارىم اپتا بولعان. ساعىنىشپەن تەرەزەگە تەلمىرىپ وتىرعان سەرگەيگە كۇنىنە ءتورت ءمورفيننىڭ كۇشى ازەر جەتەدى. راك سۇيەگىنە ءوتىپ، ءتورت ساعات سايىن ءدارى قابىلداۋعا ءماجبۇر.

ەندى ايەلدەر جاققا بە بۇرساق...

«ەندى قانداي ارمان بار دەيسىڭ» دەپ كۇرسىندى  80 جاستاعى اجەي. اسارىمدى اسادىم، جاسارىمدى جاسادىم. سوندا  دا شوبەرەلەرىمنىڭ ەرجەتكەنىن كورۋدى ارماندايمىن. اۋرۋعا شالدىقتىم، جاسىم دا ءبىرازعا كەلدى. ءبىزدىڭ ءبارىمىز ولەمىز..

حوسپيستاعى ناۋقاستاردىڭ كوپشىلىگىنىڭ وتباسى بار. جاقىندارىنىڭ ورتاسىندا باقىتقا بولەنىپ جۇرگەندەردىڭ ءوزى دە قاۋقارسىز قالىپ جاتادى. ەمدەلۋشىگە ۇنەمى كۇتىم قاجەت: ينە سالۋ، جايالىعىن اۋىستىرۋ، جۋىندىرۋ،ت.ب.

ەڭ كورقىنىشتىسى ايىقپاس دەرتكە كەز كەلگەن ادام دۋشار بولۋى مۇمكىن. اۋرۋ ايتىپ كەلمەيدى.

سوندىقتان ەشتەڭەنى ەرتەڭگە، كەيىنگە ىسىرماي، ارماندارىمىزدى ورىنداۋعا اسىعايىق.

دايىنداعان: ايگەرىم تاۋباي