EXPO حالىقارالىق كورمەسى قارساڭىندا قازاقستانداعى جۇڭگو كينوفەستيۆالىنىڭ اشىلۋىنا تانىمال اكتەر دجەكي چاننىڭ كەلگەنى حابارلانعان بولاتىن. كينوفەستيۆالدىڭ اشىلۋ سالتاناتىندا دجەكي چانعا ۇلتتىق ناقىشتاعى دومبىرا، بەلدىك پەن قۇلاقشىن سىيلانعان ۆيديەوسى جاريالاندى.
قازاقستانعا كەلگەن ايگىلى اكتەردىڭ ءار كۇنى ءتۇرلى وقيعالارعا تولى. دجەكي چان استانادا قىز بالانىڭ تۇساۋىن كەستى، دەپ حابارلايدى قامشى اقپاراتتىق اگەنتتىگى.
ۆيدەودا قازاقتىڭ سالتى ورىن الۋدا. دجەكي چان ەكى ءبۇلدىرشىننىڭ تۇساۋ كەسەر راسىمىنە قاتىسىپ، بالاعا دەگەن مەيىرىمىن كورسەتتى.
دايىنداعان: ايگەرىم تاۋباي
