اقش-تاعى قازاقستاندىقتار جايلى دەرەكتى فيلمدەردىڭ اۆتورى قانات بەيسەكەيەۆ كەزەكتى ءفيلمىن ۇسىنىپ وتىر. بۇل جولى ول نيۋ-يوركتە مىقتى پوليسەي اتانعان قازاق پوليسەيى ديماش نيازوۆ جايلى قىسقامەتراجدى فيلم ۇسىنادى دەپ حابارلايدى قامشى اقپاراتتىق اگەنتتىگى kaz.tengrinews.kz-كە  سىلتەمە جاساي وتىرىپ.

رەجيسسەردىڭ ايتۋىنشا، ول باستاپقىدا پوليسەي جايلى فيلم تۇسىرگىسى كەلمەگەن. سەبەبى ول وسىدان ءبىر جىل بۇرىن پوليسەي دانيار نۇرتاز جايلى فيلم تۇسىرگەن ەكەن. ال بۇل جولى بەيسەكەيەۆ ءفيلمدى باسقا جاعىنان الىپ تۇسىرگەن. "ولاردىڭ ەكەۋى ەكى ءتۇرلى، - دەيدى قانات. ويلاۋى دا، جاستارى، ءتىپتى سالماقتارى دا ءار ءتۇرلى. ءبىراق ديماشتىڭ ءرولىن فيلمدە اشىپ، ونى اڭگىمەگە تارتۋ وڭاي بولعان جوق".

اقش-تاعى قازاق پوليسەيىن كامەرا الدىندا سويلەتۋ، ونى اشۋ ءۇشىن ءبىراز جۇمىس ىستەۋ كەرەك بولدى. "ماعان پوليسيا ۋچاسكەسىندە وسىنداي فيلم تۇسىرۋگە رۇقساتتى بىردەن بەرگەن جوق، - دەيدى رەجيسسەر. - ياعني، ولار رۇقسات بەرمەي جاتتى (...) ءبىراق سودان مەن الدىم دا ءفيلمدى تۇسىرە باستادىم".

11 مينۋتتىق سەريادا ديماش نيازوۆ ءوزىنىڭ جۇمىس جايلى، ءومىرى جايلى جانە سپورتتاعى قىزىعۋشىلىعى جايلى ايتادى.

13 جاسىندا اقش-قا اتا-اناسىمەن بىرگە كەتىپ قالعان شىمكەنتتىك جىگىت وسىلايشا "مىقتى پوليسەي" اتانىپ وتىر. سونداي-اق، ول جاقىندا جاقسى جۇمىسى ءۇشىن ەرەكشە جەتون العان. NYPD (New York City Police Department) بولىمىندە ءۇش جىل ۋاقىت جۇمىس ىستەپ جاتىر. برۋكلين اۋدانىندا پاترۋل قىزمەتىن جۇرگىزەدى.

شولۋشى: اسەل وتەشوۆا