وسىدان بىرنەشە  كۇن بۇرىن تاراز قالاسىندا «مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى ىسكە اسىرۋ جولدارى» تاقىرىبىندا رەسپۋبليكالىق ونلاين سەمينار وتكەن بولاتىن. اتالعان ونلاين سەمينارعا قاتىستى قازاق ءتىلىن وقىتۋ ادىستەمەلەرى جايىندا قىزىلوردا وبلىسىنىڭ تىلدەردى وقىتۋ ورتالىعىنىڭ وقىتۋشىسى اسەل ماناس قىزىنىڭ پىكىرىن بىلدىك.

«مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى ىسكە اسىرۋ جولدارى» تاقىرىبىندا وتكەن رەسپۋبليكالىق ونلاين سەمينار نەگىزسىز ۇيىمداستىرىلعان جوق. بۇل ونلاين سەمينار قر-داعى تىلدەردى قولدانۋدىڭ  2011-2020 جىلدارعا ارنالعان مەملەكەتتىك باعدارلاماسىنان باستاۋ الادى. ءبىز وسى ۋاقىتقا دەيىن قازاق ءتىلىنىڭ جەتىلدىرۋ باعىتىنداعى ادىستەمەسى  جاساپ، جيىندار وتكىزىپ جۇرگەن بولساق، ەندى سولاردىڭ ءبىر جيناقتالعان نەگىزىن  جاساۋعا كوشتىك. قازاقستاندا العاش رەت تىلدەردى جەتىلدىرۋگە بايلانىستى ونلاين سەمينار وتكىزىلدى. فورماتى دا ەرەكشە. اتالعان ونلاين سەمينار قارجى جاعىنان الىپ قاراعاندا وتە ءتيىمدى بولىپ كەلەدى. سەبەبى، 100 ادامدى شاقىرىپ سەمينار وتكىزۋ قانشاما قاراجاتتى تالاپ ەتەدى؟ بۇل مەملەكەتكە ءبىراز شىعىن بولار ەدى. وسىنداي ونلاين سەمينار وتكىزە  الاتىن 10 جىلدىق تاريحى بار ورتالىقتاردىڭ ءبىرى تاراز قالاسىندا»، -دەپ ءوز پىكىرىن ءبىلدىردى اسەل ماناس قىزى.

سونىمەن بىرگە ونلاين سەمينار جىلىنا 4 رەت وتكىزىلىپ وتىرادى ەكەن. تاراز قالاسىندا وتكەن ونلاين سەميناردا 12 مەملەكەتتىك ورگان عانا قاتىسا العان. ەگەر قاتىسامىن دەۋشىلەر بولاتىن بولسا قاتىسۋشىلار سانىن ارتتىرۋعا بولادى دەپ تە ايتىپ ءوتتى. 

اسەل وتەشوۆا