كەز-كەلگەن ادام ومىرىندە تۇسىنىكسىز ەموسيالىق جاعدايدى باستان كەشىرۋى مۇمكىن. ءوزىنىڭ قانداي سەزىمدەردى باستان كەشىرەتىنىن، نەنى قالايتىنىن تۇسىنبەي دال بولىپ جاتاتىنى تاعى بار. اسىرەسە، ماحاببات ەموسياسىنا قاتىستى ۇزاق ۋاقىت باس قاتىرۋعا بولادى.  

كەيدە ءتىپتى ومىردەگى قالپىمىزدى جوعالتىپ، كىممەن ارالاسىپ جۇرگەنىمىزدى، كىمگە كەرەك ەكەنىمىزدى بىلمەيمىز. ءبىز ءۇشىن جانە ءسىز ءۇشىن كىمنىڭ قانشالىقتى ماڭىزدى ەكەنىن قالاي بىلەۋگە بولادى دەگەن سۇراق تۋادى. وسى سۇراققا جاۋاپ بەرىپ كورەيىك.

-بىلەسىڭ بە،-دەيدى بىرەۋ، -مەن 5 بىردەي ايەلمەن قارىم-قاتىناستامىن. ءبىراق ولار مەنى شارشاتتى. قايسىسىن تاڭدارىن بىلمەي ءجۇرمىن. قالاي تاڭداۋ جاساسام بولادى؟

-شىندىقتى بارلىعىنا جايىپ سال-دەيدى الگىنىڭ جولداسى.

-قالاي سوندا، شىندىقتى؟

-بىلاي: ءوزىڭدى ەركىن سەزىن. ءار قايسىسىنا ءبىر-بىرى تۋرالى ايتىپ بەر.

-بۇل كومەكتەسە مە؟

-جاساپ كور

كەلەسى كەزدەسكەندەگى ەكەۋىنىڭ ديالوگى:

-قالاي بولدى؟ مەنىڭ كەڭەسىمنىڭ كومەگى بولدى ما؟

- وتە جاقسى كەڭەس بەردىڭ. شىنايى بولىپ، بار شىندىقتى ايتقانىمدا ەكى ايەل بىردەن كەتىپ قالدى. جارايدى دەدىم. ماڭىزدى ەمەس. ۇشەۋى قالدى. قىزىقتىڭ بارلىعى وسى كەزدە باستالدى. بايقاعانىم، بارلىعىمەن بىردەي شىنايى بولا المايدى ەكەنمىن. بىرەۋىنە بارلىعىن ايتا الدىم، ەكىنشىسىنە تەك جارتىسىن، ال تاعى بىرەۋىنە ءتىپتى ەشتەڭە ايتا المادىم. بىرەۋىنە ەكىنشىسى تۋرالى بارلىعىن ايتىپ بەرە السام، ەكىنشىسىنە تاعى بىرەۋى تۋرالى ايتا المادىم. اقىر اياعىندا جالعىز بىرەۋىنە عانا بارلىعىن ايتىپ بەرە الاتىنىمدى ءتۇسىندىم. ءبىراق ول تۋرالى ەشكىمگە ايتقىم كەلمەيتىنىمدى اڭعاردىم.

-مىنە، سول ايەل قالعان عوي ەندەشە.

ء-دال سولاي، بۇل كەڭەستىڭ مۇنداي ناتيجە بەرەرىن كىم ويلاعان.

شىندىق -بۇل سەزىمنىڭ كورسەتكىشى. ول بىزگە قاجەتسىز ادامداردى بىردەن سارالاپ، كەتىرەدى. كەز-كەلگەن جاعدايدا. ادام شىنايى بولا المايتىن جاندارمەن قارىم-قاتىناسىن ۇزگەنى جاقسى. ال مۇلدەم وزگەگە ول  تۋرالى ايتا المايتىن ادامدار دا بولادى، ولارعا ادام باۋىر باسىپ قالادى. مىنە بىزگە قاجەتتى ادامدار وسىلار.

دايىنداعان: نازەركە مۇسا