31 شىلدە مەن 4 تامىز كۇندەرى ارالىعىندا ەكسپو-2017 حالىقارالىق كورمەسى اياسىندا استانادا باتىس قازاقستان وبلىسىنىڭ كۇندەرى وتەدى.

بقو كۇندەرى اياسىندا استانانىڭ تۇرعىندارى مەن قوناقتارى وبلىس ۇجىمدارىنىڭ ۇزدىك جۇمىستارىمەن تانىسىپ، جايىق ءوڭىرى ارتىستەرىنىڭ قويىلىمىن، مۇراجايلاردىڭ جاڭا قىزىقتى ەكپوزيسيالارىن تاماشالاي الادى. بەس كۇنگە سوزىلاتىن مادەني شارالاردىڭ باعدارلاماسىنا سايكەس باتىس قازاقستان وبلىستىق قازاق دراما تەاترىنىڭ قويىلىمىمەن «ترويا ارۋلارى» سپەكتاكلى جانە ف.بۋلياكوۆتىڭ «قىسقا عۇمىر» مۇڭدى كومەدياسى كورسەتىلەدى.  سپەكتاكل ق.قۋانىشبايەۆ اتىنداعى تەاتردا وتەدى.

ا.وستروۆسكيي اتىنداعى تەاترى استانانىڭ م.گوركيي اتىنداعى تەاترىندا جان باتيست مولەردىڭ «لەكار پونيەۆولە» سپەكتاكلىن جانە ا.ن.وستروۆسكييدىڭ «پوسلەدنيايا جەرتۆا» دراماسىن، سونىمەن بىرگە ۋ.شەكسپيردىڭ «دۆەنادساتايا نوچ» سپەكتاكلىنىڭ قويىلىمى سومدايتىن بولادى.

استاناداعى ەتنواۋىل الاڭىندا وبلىستىق تاريحي-ولكەتانۋ مۇراجايى ءوز ەكسپوناتتارىمەن تانىستىرادى.

ەكسپو-2017 تاقىرىبىمەن «ەكسپو-2017–الەم كورمەسىنە ساياحات»  ساندىك قولدانبالى قولونەر شەبەرلەرى مەن جايىق ءوڭىرى سۋرەتشىلەرىنىڭ كورمەسى ۇيقاس كەلەدى.

ءداستۇرلى تۇردە  استانا قالاسىندا باتىسقازاقستاندىق ارتىستەردىڭ 1 تامىز كۇنى بايتەرەك مونۋمەنتىنىڭ الاڭىندا ع.قۇرمانعالييەۆ اتىنداعى وبلىستىق فيلارمونيانىڭ داۋلەتكەرەي اتىنداعى قازاق ۇلت اسپاپتار وركەسترىنىڭ كونسەرتى نازارلارىڭىزعا ۇسىنىلماق.

2 تامىز كۇنى «كازمەديا ورتالىعىنىڭ» ساحناسىندا ورال قالاسى ونەر ۇجىمدارىنىڭ كونسەرتى ۇيىمداستىرىلىپ، ال كونگرەسس-حوللدا استانالىقتار وبلىستىق ەسترادالىق-سيمفونيالىق وركەسترىنىڭ كونسەرتىن تاماشالاي الادى.

ونىمەن قوسا، حالىق نازارىنا ەتنواۋىلداعى ەتنوفولكلورلىق ۇجىمداردىڭ، «ورال سازى» فولكلورلىق-ەتنوگرافيالىق ءانسامبلى مەن «نازەركە» حالىق بي ءانسامبلىنىڭ كونسەرتتەرى ءسوزسىز ىلىگەرى انىق.

3-4 تامىز كۇندەرى استانا يپپودرومىندا كوكپار، تەڭگە ءىلۋ، اۋدارىسپاق، جامبى اتۋ جانە ت.ب. ۇلتتىق سپورت تۇرلەرى بويىنشا جارىستار وتەدى.

سونىمەن بىرگە، ەكسپو-2017 الاڭىندا باتىس قازاقستان وبلىسىنىڭ الەۋمەتتىك-ەكونوميكالىق، مادەني سالاسىنداعى جەتىستىكتەرى تانىستىرىلىپ، بيزنەس وكىلدەرىمەن كەزدەسۋ بارىسىندا ىسكەرلىك قارىم-قاتىناس ورناتۋ ماقساتىندا كەلىسىمشارتتارعا قول قويۋ جوسپارلانۋدا. 

4 تامىز كۇنى ەكسپو الاڭىنداعى امفيتەاتردا جايىق ءوڭىرىنىڭ شىعارماشىلىق ۇجىمدارىنىڭ ۇلكەن كونسەرتىندە قازاق ءسسر-نىڭ ەڭبەك سىڭىرگەن حالىق ءارتىسى ەسكەندىر حاسانعالييەۆ، مادەنيەت سالاسىنىڭ مايتالمانى ءبىرجان حاسانعالييەۆ، «ءازىل الەمى» تەاترىنىڭ ديرەكتورى تۇرسىنبەك قاباتوۆ جانە ءانشى داۋرەن سەيتجانوۆ ونەر كورسەتەتىن بولادى.