ورتالىق كوممۋنيكاسيالار قىزمەتىندە «قازاۆتوونەركاسىپ» قازاقستان اۆتوموبيل سالاسى كاسىپورىندارى وداعى رەسپۋبليكانىڭ اۆتووندىرۋشىلەرىنىڭ 2017 جىلدىڭ ءى جارتىسىنداعى جۇمىس قورىتىندىلارىنا ارنالعان باسپا ءسوز كونفەرەنسيا ءوتتى دەپ حابارلايدى Qamshy.kz اقپارات اگەنتتىگى. كونفەرەنسياعا «كازاۆتوپروم» قازاقستاندىق ءاۆتوموبيلدى كاسىپورىندار وداعى» زتب باسقارما ءتوراعاسى ولەگ ءالفوروۆ قاتىستى.

ەسەپتىك كەزەڭنىڭ قورىتىندىلارى بويىنشا قازاقستان اۋماعىندا  جالپى قۇنى 64،5 ملرد. تەڭگەنىڭ 8 768 اۆتوكولىك قۇرالى (جۇك تەحنيكاسى مەن اۆتوبۋس تەحنيكاسىن قوسا العاندا) ءوندىرىلدى. ءونىم كولەمىنىڭ زاتتاي كورىنىسى وتكەن جىلدىڭ كورسەتكىشىنەن 3،6 ەسە اسىپ ءتۇستى. جەڭىل اۆتوكولىكتەر ءوندىرىسى 7 779 بىرلىككە جەتىپ، 5،3 ەسە ۇلعايدى.

اۆتوبۋس تەحنيكاسىن شىعارۋ (313 ءبىرل.) 2017 جىلدىڭ قاڭتار-ماۋسىمى ايلارى قورىتىندىلارى بويىنشا ءبىر جىل بۇرىنعى كورسەتكىشتەن 4،4 ەسە ۇلعايدى. جۇك اۆتوكولىكتەرى ءوندىرىسى (487 ءبىرل.) 32،1% قىسقاردى.

2017 جىلدىڭ ماۋسىم ايىنىڭ ناتيجەلەرى بويىنشا اۆتوكولىكتەر شىعارۋ 1818 بىرلىكتى (2016 جىلدىڭ ۇقساس ايىنا قاتىستى 2،5 ەسە وسكەن) قۇرادى.

وتاندىق اۆتوزاۋىتتاردىڭ ءونىم وتكەرۋى جىلدىڭ باسىنان بەرى 7 748 بىرلىكتى قۇرادى، بۇل وتكەن جىلدىڭ مانىنەن 57،5% جوعارى. قازاۆتوونەركاسىپ كاسىپورىندارىنىڭ نارىقتىق ۇلەسى وتكەن جىلدىڭ ۇقساس كەزەڭىندەگى 21،8% سالىستىرعاندا 37% جەتتى. بۇل رەتتە ماۋسىمدا بۇل كورسەتكىش تاريحي ماكسيمۋمدى جاڭارتىپ، 46،9% قۇرادى.

ەسەپتىك كەزەڭنىڭ قورىتىندىلارى بويىنشا 831 اۆتوكولىك (سالاداعى وتكەرۋدىڭ 10،7%) قىتايعا، رەسەيگە، بەلارۋسقا جانە تاجىكستانعا ەكسپورتقا جونەلتىلدى. ەكسپورتتىق جەتكىزىلىمدەردىڭ كوشباسشىسى Lada برەندى بولىپ تابىلادى. وعان 696 شەتەلدىك ساتىپ الۋشى ىقىلاس ءبىلدىردى. قازاقستاندىق اۆتوەكسپورت قۇرىلىمىنداعى Hyundai (جۇك كوممەرسيالىق تەحنيكاسىنىڭ 69 بىرلىگى) جانە JAC ماركىلەرىنە (66 بىرلىك) دە قىزىعۋشىلىق كورسەتىلدى.

663 اۆتوكولىكتى اعىمداعى جىلدىڭ قاڭتار-ماۋسىم ايلارى ارالىعىندا جەڭىلدىكتى اۆتونەسيەلەر مەملەكەتتىك باعدارلامالارىنا قاتىسۋشىلار ساتىپ الدى. ولاردىڭ ۇلەسىنە جەرگىلىكتى جەردە قۇراستىرىلعان جەڭى اۆتوكولىكتەر ساتىلىمدارىنىڭ  8،6% تيەسىلى.

جەرگىلىكتى جەردە قۇراستىرىلعان اۆتوكولىكتەر سەگمەنتىندە باسىم جايعاسىمدى «ازيا اۆتو» اق يەلەنەدى – ساتىلعان 5368 اۆتوكولىك نەمەسە وتاندىق تەحنيكانىڭ جيىنتىق ءوتىمىنىڭ 69%. «سارىارقااۆتوونەركاسىپ» ج ش س 1570 بىرلىكتى (سەگمەنتتەگى ۇلەسى – 20%) جونەلتتى. ودان ءارى قاراي وتاندىق اۆتووندىرۋشىلەر ونىمدەرى ءوتىمىنىڭ رەيتينگىندە «كاماز-ينجينيرينگ» اق (222 ءبىرل.؛ 3%)، «سەماز» اق (206 ءبىرل.؛ 3%)، «اگروماشحولدينگ» اق (200 ءبىرل؛ 3%) جانە «Hyundai Trans Auto» ج ش س (182 ءبىرل.؛ 2%) ورنالاسقان.

2017 جىلدىڭ بەس ايىنىڭ قورىتىندىلارى بويىنشا قازاقستاندا قۇراستىرىلعان جەڭىل اۆتوكولىكتەردىڭ اسا تالاپ ەتىلگەن برەندتەرىنىڭ بەستىگىن Lada (3849 ءبىرل.)، KIA (962 ءبىرل.)، Hyundai (687 ءبىرل.)، Chevrolet (496 ءبىرل.) جانە JAC (347 ءبىرل.) قۇرادى. وتاندىق كاسىپورىندار ۇسىناتىن ماركىلەر تىزىمىنە سونداي-اق SsangYong (159 ءبىرل.)، Peugeot (114 ءبىرل.)، Skoda (107 ءبىرل.)، Ravon (41 ءبىرل.) جانە Geely (25 ءبىرل.) ەندى.

جەرگىلىكتى جەردە قۇراستىرىلعان جەڭىل اۆتوكولىكتەردىڭ ساتىلىمدارى رەيتينگىن Lada برەندىنىڭ مودەلدەرى باستادى: Lada 4x4 (1949 ءبىرل.)، Lada Granta (772 ءبىرل.) جانە Lada Largus (598 ءبىرل.). قازاقستاندىقتاردا تانىمال مودەلدەردىڭ ءتىزىمىن سونداي-اق Hyundai Tucson (290 ءبىرل.)، JAC S3 (289 ءبىرل.)، Hyundai Elantra (265 ءبىرل.)، KIA Optima (261 ءبىرل.)، Chevrolet Cruze (238 ءبىرل.)، Lada Vesta (184 ءبىرل.)، Lada Kalina (172 ءبىرل.)، Lada XRAY (172 ءبىرل.) جانە KIA Cerato (172 ءبىرل.) تولىقتىردى.

سالا كاسىپورىندارىنىڭ رەسپۋبليكا جىو-نە ۇلەسى التى ايدىڭ قورىتىندىلارى بويىنشا 64،5 ملرد. تەڭگەنى قۇرادى (ءبىر جىل بۇرىنعى كورسەتكىشتىڭ +20،1%)، بۇل فارماسيەۆتيكالىق، جەڭىل جانە قاعاز ونەركاسىبىنىڭ ۇقساس ساندارىنان ەداۋىر ارتىق. سالا كاسىپورىندارىنىڭ نەگىزگى كاپيتالىنا ينۆەستيسيالار 2017 جىلدىڭ قاڭتار-ماۋسىم ايلارى كەزەڭىنىڭ قورىتىندىلارى بويىنشا ءبىر جىل بۇرىنعى 293،7 ملن. تەڭگەمەن سالىستىرعاندا 3،4 ملرد. تەڭگەنى قۇرادى.