جىل باسىنان بەرى دەسترۋكتيۆتىك ءدىني اعىمداردىڭ قىزمەتىنەن زارداپ شەككەن 1134 ادام وڭالتىلدى دەپ حابارلايدى Qamshy.kz اقپارات اگەنتتىگى. بۇل راديكالدى جانە دەسترۋكتيۆتىك ءدىني اعىمداردان زارداپ شەككەندەرگە كومەك كورسەتۋ ورتالىقتارىنىڭ بەلسەندى جۇمىسى ناتيجەسىندە ورىندالدى. 2017 جىلدىڭ ءبىرىنشى جارتىجىلدىعىندا ەل اۋمعىندا 5000 استام ءىس-شارا وتكىزىلىپ، وعان 6630 ادام قامتىلدى.

ەكسترەميزم مەن تەرروريزمگە قارسى ءىس-قيمىل جونىندەگى مەملەكەتتىك باعدارلاما اياسىندا بىلىكتى تەولوگ، ءدىنتانۋشى، پسيحولوگ جانە ءدىني بەرلەستىكتەر مەن ۇكىمەتىك ەمەس ۇيىمدار وكىلدەرىنىڭ قاتىسۋىمەن جۇرگىزىلگەن جۇمىس وسىنداي ناتيجەلەرگە قول جەتكىزۋگە مۇمكىندىك بەردى.

قازاقستاندا وڭالتۋ جۇمىستارىنا استانا، الماتى قالالارىنىڭ جانە وبلىستاردىڭ ءدىن ىستەرى باسقارمالارى مەن وڭالتۋ ورتالىقتارى جۇمىلدىرىلعان. اتاپ ايتقاندا، بارلىق وڭىرلەردە ءدىني پروبلەمالاردى زەرتتەۋ ورتالىقتارى، «ناسيحات» كونسۋلتاسيالىق-وڭالتۋ ورتالىعى» (كوكشەتاۋ ق.)، قمدب جانىنداعى و. ەسەن ۇلى اتىنداعى وقۋ-وڭالتۋ ورتالىعى، «نۇرلى ءبىلىم» قب (قاراعاندى ق.)، «اڭسار» اقپاراتتىق-تالداۋ ورتالىعى» (اقتوبە ق.)، «شاپاعات» دەسترۋكتيۆتىك ءدىني اعىمداردان زارداپ شەككەندەر كومەك كورسەتۋ (اتىراۋ ق.) ورتالىقتارى جۇمىس ىستەيدى.

اتالعان وڭالتۋ ورتالىقتارىنىڭ قىزمەتى ەكسترەميستتىك سيپاتتاعى دەسترۋكتيۆتىك ءدىني اعىمداردىڭ ىقپالىنان زارداپ شەككەندەردى وڭالتۋ جانە بەيىمدەۋ ارقىلى حالىقتىڭ راديكالدانۋ دەڭگەيىن تومەندەتۋگە باعىتتالعان.

سونداي-اق، اقپاراتتىق ءتۇسىندىرۋ جانە وڭالتۋ جۇمىستارى قىلمىستىق-اتقارۋ جۇيەسى مەكەمەلەرىندە دە جۇرگىزىلۋدە. وڭىرلىك ءدىن ىستەرى باسقامالارىمەن اعىمداعى جىلدىڭ ءبىرىنشى جارتىجىلدىعىندا 3888 كەزدەسۋلەر ۇيىمداستىرىلىپ، وعان 18 000-نان استام ادام قامتىلعان. ونىڭ قورىتىندىسى بويىنشا 264 ادام وزدەرىنىڭ دەسترۋكتيۆتىك ءدىني كوزقاراستارىنان باس تارتتى.

ەسكە سالا كەتەيىك، ق ر ءدىن ىستەرى جانە ازاماتتىق قوعام مينيسترلىگى ۋاكىلەتتى جانە جەرگىلىكتى اتقارۋشى ورگاندارمەن بىرلەسىپ راديكالدى جانە دەسترۋكتيۆتىك ءدىني يدەولوگيانىڭ ىقپالىنا تۇسكەن تۇلعالارعا تەولوگيالىق جانە پسيحولوگيالىق وڭالتۋ جۇمىستارىن ۇيىمداستىرۋ بويىنشا كەشەندى شارالار قابىلداۋدا.