ش.ايمانوۆ اتىنداعى «قازاقفيلم» كينوستۋدياسىندا رەجيسسەر تولەگەن بايتۇكەنوۆتىڭ «شالا قازاق» اتتى (شارتتى اتاۋى) تولىقمەتراجدى كوركەم ءفيلمنىڭ قورعالىمى ءوتتى. قازاقستان رەسپۋبليكاسى مادەنيەت جانە سپورت مينيسترلىگى تاپسىرىسى بويىنشا تۇسىرگەلى جاتقان كينوتۋىندى قىلمىسكەرلەرمەن  كۇرەسكە تۇسكەن اۋىلدىڭ ۋچاسكەلىك پوليسەيى تۋرالى باياندايدى.

– بۇل فيلم ادامنىڭ تاعدىرى مەن مىندەتتەلگەن پارىزىن ورىنداۋ تۋرالى. كارتينانىڭ جەلىسىندە ادام تابيعاتىنا ءتان ىنجىقتىق پەن ازعىنداۋعا قۇمارتىپ تۇراتىن قاسيەتى بولسا-داعى، وعان بوي الدىرماي، ءوز تاڭداۋىنا جانە ءوزىنىڭ ازاماتتىق بورىشىنا ادال بولىپ قالعان جاننىڭ ءومىرى كورسەتىلەدى، – دەدى ءفيلمنىڭ قويۋشى رەجيسسەرى تولەگەن بايتۇكەنوۆ.

ايتا كەتسەك، «شالا قازاق» ءفيلمى رەجيسسەردىڭ جەكە ءوزى تۇسىرگەلى جاتقان العاشقى جۇمىسى. 2011 جىلى ول «قازاقفيلم» كينوستۋدياسىندا جارىققا شىققان «سۋپەر باحا» اتتى كومەديانىڭ سەنارييىن جازۋعا اتسالىسىپ، ءفيلمنىڭ تەڭ رەجيسسەرى بولدى. كەيىن تولەگەن بايتۇكەنوۆ كينوستۋديانىڭ «دەبيۋت» شىعارماشىلىق-وندىرىستىك بىرلەستىگىندە «تۇشپارا جانە راحمانينوۆ» اتتى قىسقامەتراجدى فيلم تۇسىرگەن. بۇل ءفيلمنىڭ سەنارييىن دە اۆتوردىڭ ءوزى جازعان.

ايتا كەتسەك، اتالعان جوبانىڭ قورعالىمىنا ەلىمىزدىڭ تانىمال كينەماتوگرافيستەرى  قاتىستى، ولاردىڭ قاتارىندا كينوستۋديانىڭ «كوركەم فيلمدەر» شىعارماشىلىق-وندىرىستىك بىرلەستىگىنىڭ جەتەكشىسى، بەلگىلى كينورەجيسسەر ساتىبالدى نارىمبەتوۆ تا بولدى. ول ءفيلمنىڭ سەنارييى ءبىرشاما وزگەرگەنىن جانە ونى جازۋدا ءبىراز جۇمىس اتقارىلعاندىعىن بايقاعانىن ايتىپ، كاسىبي كينوگەرلەردەن قۇرالعان شىعارماشىلىق توپقا ساتتىلىك تىلەدى.

فيلمدە باستى رولدەردى اقىلحان اسىلوۆ، دينا تاسبولاتوۆا، شىڭعىس  كاپين سىندى جاس اكتەرلەر سومدايدى. «شالا قازاق» ءفيلمىنىڭ ەكشن-قويىلىمدارىن جۇزەگە اسىرۋ ءۇشىن باحودىر جالمەتوۆ باستاعان «جال» اتتى كاسكادەرلىق اسسوسياسياسىنىڭ توبى تارتىلعان.

ءفيلمنىڭ ءتۇسىرۋ جۇمىستارى ۇستىمىزدەگى جىلى 10 تامىزدا باستالادى. رەجيسسەردىڭ ايتۋىنا قاراعاندا كارتينانىڭ ءتۇسىرۋ جۇمىستارى ءبىر ايماقتا – الماتى وبلىسى قاپشاعاي قالاسىنان 40 شاقىرىم جەردە ورنالاسقان بريگادير اۋىلىندا وتەدى.

فيلم تۋرالى: وركەنيەتتەن تىس قالعان اۋىلدىڭ بىرىندە ۋچاسكەلىك پوليسەي اۋىلدى باسىپ العان قىلمىسكەرلەرمەن كۇرەسكە تۇسەدى. ۇرلانعان قۇندى زاتتارعا تولى جۇك كولىگى وسى اۋىلدا سىنىپ قالعاندىقتان، قىلمىسكەرلەر جۇك قويماسىن ىزدەپ، وسى اۋىلدا توقتاۋعا ءماجبۇر بولادى. ولار ەكى كۇننىڭ ىشىندە جەرگە كومىلگەن باعالى جۇكتەرىن قازىپ الىپ،ەشكىمگە زيان كەلتىرمەي اۋىلدان قاشىپ كەتۋدى كوزدەيدى. الايدا قىلمىسكەرلەردىڭ بۇل جوسپارلارى ىسكە اسپاي قالىپ، اۋىل تۇرعىندارىنا كۇش جۇمسايدى. تەك اۋىلدىڭ ۋچاسكەلىك پوليسەيى قىلمىسكەرلەرگە توتەپ بەرىپ، ءوزىنىڭ بورىشىن سوڭىنا دەيىن وتەيدى.

جانرى: ۆەستەرن، دراما، بويەۆيك

قويۋشى رەجيسسەر: تولەگەن بايتۇكەنوۆ

سەناريي اۆتورلارى: تولەگەن بايتۇكەنوۆ، يننا مۇقاشيەۆا، اندرەي تەن

قويۋشى وپەراتور: الەكساندر رۋبانوۆ

قويۋشى سۋرەتشى: بەرىكبولشاشۋبايەۆ

دىبىس رەجيسسەرى: يليا كوروبەينيكوۆ

اتقارۋشى پروديۋسەر: ءادىل قوجابەرگەنوۆ

پروديۋسەرى: شىنار بورىبايەۆا

رولدەردە:اقىلحاناسىلوۆ، دينا تاسبولاتوۆا، شىڭعىس كاپين، ەركەبۇلان تاسىنوۆ، ەرجان ءنۇسىپاقىنوۆ، ءسالىم بالعازين، مارات ينەربايەۆجانە باسقالارى.

رەجيسسەر تۋرالى انىقتاما: بايتۇكەنوۆ تولەگەن– سەناريست، رەجيسسەر، جۋرناليست، كينوسىنشى، قازاقستان كينوسىنشىلار اسسوسياسياسىنىڭ مۇشەسى. 2014 جىلى ت.جۇرگەنوۆ اتىنداعى ونەر اكادەمياسىنىڭ جوعارعى رەجيسسەرلار كۋرسىن «كينو رەجيسۋراسى» ماماندىعى بويىنشا ءتامامداعان.

ا.ا. ەشپاي جانە ۆ.ا. فەنچەنكونىڭ شەبەرحاناسىندا ءدارىس العان.

فيلموگرافياسى: «سۋپەرباحا» اتتى كوميكس-كومەديانىڭ سەنارييىن جازۋعا قاتىسقان، سونىمەن قاتار تەڭ رەجيسسەرى (قازاقفيلم، 2011)، «باسقالار» قىسقامەتراجدى ءفيلمنىڭ سەناريي اۆتورى جانە رەجيسسەرى (2014)، «ءومىر سىناعى»سەريالىنىڭ يدەيا جانە سەناريي اۆتورى.