جاقىندا دونالد ترامپتىڭ ستراتەگيالىق  كەڭەسشىسى ستيۆەن بەننون  اقش پەن جۇڭگو اراسىندا ەكونوميكالىق سوعىستىڭ ءجۇرىپ جاتقانىن حابارلاعان بولاتىن. ترامپ اقش-تىڭ ساۋدا-ساتتىق وكىلى روبەرت لايتحايزەرگە قىتايدىڭ امەريكاندىق تەحنولوگيالاردى ۇرلاۋ فاكتىسى توڭىرەگىندە زەرتتەۋ جۇرگىزۋگە تاپسىردى دەپ جازادى Qamshy.kz اقپارات اگەنتتىگى ريا نوۆوستي-گە سىلتەمە بەرىپ.

زەرتتەۋ ناتيجەلەرى اياسىندا ۆاشينگتون قىتايدى جازاعا تارتۋ ءۇشىن الەمدىك ساۋدا ۇيىمىنا جۇگىنبەك.

الايدا اقش حالىقارالىق ۇيىمنىڭ شەشىمىنە قاراماستان، قىتايمەن اراداعى ساۋدا-ساتتىق ماسەلەسىندە شەكتەۋلەر قويۋى مۇمكىن.

ەڭ الدىمەن،امەريكا  جۇڭگو مەن اقش اراسىنداعى قحر-دان كەلەتىن يمپورت  ءتاريفىن كوتەرەدى. وسى ورايدا بەيجىن بيلىگى دە تالاپتاردىڭ قاتالدانۋى ورىن الاتىن بولسا قاراپ قالمايتىنىن جەتكىزدى. ءتىپتى، قحر ءسىم وكىلى حۋا چۋنين  ۆاشينگتوننىڭ مۇنداي ارەكەتتەرى ەكى ەل اراسىنداعى ساۋدا سوعىسىنا اكەلەتىنىن مالىمدەگەن.

جۇڭگو مەن اقش اراسىنداعى ساۋدا دەفيسيتى 2016 جىلى 347 ميلليارد اقش دوللاردى قۇراعان. ترامپ قىتايدان يمپورتتالاتىن تاۋارلاردىڭ كولەمى ەكسپورتتالاتىن تاۋارلارعا قاراعاندا ەداۋىر كوپ ەكەنىن ايتىپ، نارازىلىعىن بىلدىرگەن.

«اقش-قا قىتايمەن ساۋدا-ساتتىق كولەمىن شەكتەۋ امەريكا ءۇشىن وسىدان ءبىراز جىل بۇرىن وزەكتى بولاتىن. سەبەبى سول ۋاقىتتا قحر-دىڭ ەكونوميكالىق كورسەتكىشى ەندى-ەندى وسە باستاعان. ال قازىرگى ۋاقىتتا جۇڭگو ەكونوميكاسىنىڭ ينتەگراسيالانىپ، الەمدىك نارىققا، سونىڭ ىشىندە  امەريكاندىق نارىققا  ەنگەنى سونشالىق، ودان اقش بيزنەسىنە زيان اكەلمەي باس تارتۋ، شەتتەۋ، قىسقارتۋ مۇمكىن ەمەس»-دەيدى  اناليتيك  دميتريي ابزالوۆ.

جۇڭگو تاۋارلارىنا باج سالىعىنىڭ كولەمىن ۇلعايتۋ ارقىلى قىتايلىق كومپانيالارعا عانا ەمەس  امەريكا  ءوز كومپانيالارىنا  زارداپ اكەلەدى.  ال قىتايدىڭ   «اۋىر» سالاسىنىڭ ەكونوميكاسى ەش زارداپ شەكپەيدى. ماسەلەن، قىتايدىڭ اقش-قا ەكسپورتتايتىن بولاتتىڭ كولەمى جالپى ەكسپورتتىڭ 3%-عا جەتپەيتىن بولىگىن قۇرايدى.

ساۋدا سوعىسى ناتيجەسىندە امەريكاندىق بيزنەس جۇڭگو نارىعى ءوتىمىن جوعالتىپ الادى. قحر-دىڭ حالىق سانىنىڭ كوپتىگى مەن الەمدىك نارىقتاعى ءرولىن، كۇننەن-كۇنگە ءوسىپ، دامىپ كەلە جاتقان تۇتىنۋشى نارىعىن ەسەپكە العاندا، بۇل سوعىستا ءبىر جاقتىڭ جەڭىپ شىعۋى ەكىتالاي. ەكى مەملەكەت تە جەڭىلىس تابۋى مۇمكىن دەيدى ساراپشىلار.

قالاي بولعاندا دا، الەمدىك ەكونوميكانىڭ ليدەرى ءرولى مەن اتاعىن الۋ ءۇشىن باقتالاستىق تۋرالى ماسەلە بولعاندىقتان، مۇنداي جاعدايدىڭ ورىن الۋ مۇمكىندىگى الدىن-الا بولجالعاندىعىن ەسەپكە العاندا كۇرەس ناتيجەسى زارداپسىز بولاتىنىنا سەنۋ قيىن.