قازاق توپىراعىنا تاەكۆوندو سپورتىن الا كەلگەن، التى الاشتىڭ ايبىنىنا اينالعان ايبوز ۇلى – مۇستافا وزتۇرىك تۋرالى «الاشتىڭ ايبوز ۇلى» اتتى دەرەكتى فيلم ءتۇسىرىلىپ، جۇرتشىلىققا ۇسىنىلدى. «كتك» ارناسى تاپسىرىسى نەگىزىندە دۇنيەگە كەلگەن تۋىندى ستامبۋل (تۇركيا)، ميۋنحەن (گەرمانيا) جانە الماتى قالالارىندا تۇسىرىلگەن.
https://www.youtube.com/watch؟v=kcgeKsYVNpcقازاقستاندا تاەكۆوندو فەدەراسياسىنىڭ نەگىزىن قالاۋشى، سپورتىڭ سايىپقىران ساڭىلاعى مۇستافا وزتۇرىكبيىل كوزى ءتىرى بولعاندا 60 جاسقا تولار ەدى. وكىنىشكە وراي، داڭقتى تۇلعاعا 23 قاراشا كۇنى مەرەيتويىن حالقىنىڭ ورتاسىندا تويلاۋ باقىتى بۇيىرماعان ەكەن. بۇگىن داڭقتى تۇلعانىڭ ءومىر جولىنا ارنالعان«الاشتىڭ ايبوز ۇلى» اتتى دەرەكتى فيلم جارىققا شىقتى. جوبا اۆتورى – ارمان شورايەۆ بولسا، رەجيسسەرى – مۇرات بەلگىبايەۆ.
- فيلم جوباسى اۆتورى – ارمان شورايەۆ. نەگىزىنەن «كتك» ارناسى تاپسىرىسى نەگىزىندە ءتۇسىرىلدى. ءتۇسىرىلىم ستامبۋل، ميۋنحەن جانە الماتى قالالارىندا ءوتتى. ۆيزا ماسەلەسىمەن قوسا العاندا 45 كۇندەي ۋاقىت جۇمسالدى. تۋعان كۇنى قارساڭىندا بىتكەن بولاتىن. 60 جىلدىعىنا وراي ۇيىمداستىرىلعان كونسەرتتە كورسەتىلۋى كەرەك ەدى. ءبىراق، انشى-بيشىلەردىڭ ونەر كورسەتۋى قورىتىندىسىندا ۋاقىت جەتىسپەي قالدى. ناتيجەسىندە بۇگىن عالامتور بەتتەرىندە جاريالاندى. بالا-شاعاسى، ستامبۋلداعى تۋىستارى، بارلىعى فيلمدە قامتىلدى. سونىمەن قاتار، دەرەكتى فيلمدە ەكسكليۋزيۆ بەينەباياندار بار. ولاردى تابۋ وڭاي بولعان جوق، ءبىراز ۋاقىت كەتتى، - دەدى سەناريي اۆتورى – راۋان وقاس.
دەرەكتى فيلمدە مۇستافا ءوزتۇرىك ءومىرىنىڭ سان بەلەسى مەن بەدەرى تولىق قامتىلعان. ول تۋرالى ايتىلعان پىكىرلەر دە تاەكۆوندودان 6-شى دان يەگەرىنىڭ جان-دۇنيەسىن اشا تۇسكەن. ەندەشە «الاشتىڭ ايبوز ۇلى» دەرەكتى ءفيلمىن قاراي وتىرىڭىز.
دەرەككوز: Massaget
