روزولي ءۇشىن جىلاننىڭ ىشىندە ەشقانداي جاراقات الماي جاتۋعا مۇمكىندىك بەرەتىن ارنايى كوستيۋم تىگىلدى. ول ءۇش ساعاتتىق اۋامەن قامتىلعان. ودان بولەك، جىلانعا جۇتىلعان ادامنىڭ ءحالى تۋرالى مالىمەت بەرەتىن ارنايى داچيك تە ورناتىلىپتى. بولعان جايتتىڭ ءبارىن ناتۋراليست كامەراعا ءتۇسىردى. تاجىريبە بارىسىندا جىلان دا، جىگىت تە زارداپ شەككەن جوق. سەبەبى جىلان ءروزوليدى جەمەي قويعان. «تاعامدى» تارتىمدى ەتۋ ءۇشىن ۇستىنەن شوشقانىڭ قانى دا قۇيىلىپتى. دەسە دە، سىناققا قاتىسقان جىگىتتى ءبىراز تەنتىرەتكەن ءتىرى جان اقىرى سوڭىندا تابەتى قۇرىپ، ونى جۇتۋدان باس تارتقان. ءناتۋراليستىڭ ايتۋىنشا، اناكوندا مەكەندەيتىن جەردە جىلاننىڭ بۇل ءتۇرى ادامعا شاپتى دەگەن اقپارات ءجيى كەزدەسەدى. الىپ رەپتيليا ادامنان دا ۇلكەن تىرشىلىك يەلەرىن ەش قيىندىقسىز جۇتا سالاتىن كورىنەدى. «باستاپقىدا ول مەنى جەگىسى كەلمەدى، - دەگەن تاجىريبەسىمەن ءبولىستى زەرتتەۋشىلەر. – مەن جابايى اڭ سياقتى سىڭاي تانىتىپ، جىلان مەنەن قورعانا باستادى. ەڭ سوڭعى كورگەنىم جىلاننىڭ كەڭ اشىلعان اپانى بولدى. كەيىن ول مەنىڭ اياعىمدى وراپ، شالىپ قۇلاتتى. مەن كيىمىم قالاي سىقىرلاپ جاتقانىن ەستىدىم». روزولي سىناق بارىسىندا قاتتى ساسقالاقتاپ، ىشتەي كلاۋستروفوبيا سىندى قورقىنىش بولعانىن مويىندادى. الىپ جىلانمەن ارپالىس شامامەن ءبىر ساعاتقا سوزىلدى. زەرتتەۋشىنىڭ ايتۋىشا، اناكوندا امان-ساۋ. «سىناق كەزىندە بولعان جايتتى ۆەتەرەنار باقىلاپ وتىردى، - دەپ اڭگىمەلەدى روزولي Discovery News-كە بەرگەن سۇحباتىندا. – مەن جىلاننىڭ ومىرىنە ءقاۋىپ ءتوندىرىپ، ۇلكەن كۇيزەلىسكە ۇشىراتاتىنداي ەشقانداي ارەكەتكە بارماس ەدىم». ول سونداي-اق بۇل شارانىڭ امازونيادا اناكوندالاردى ساقتاپ قالۋ ءۇشىن قاراجات جيناۋ ماقساتىندا ارنايى ۇيىمداستىرىلعانىن تىلگە تيەك ەتتى. (باس سۋرەت ماقالامەن قاتىسسىز) دەرەككوز: Bnews.kz