ءبىر تاۋلىكتە الماتىدا 41 جول كولىك وقيعاسى بولدى دەپ حابارلايدى الماتى ءىىش دەپارتامەرتىنىڭ باسپا ءسوز اگەنتتىگىنىڭ باسشىسى سالتانات ازىربەك.
كەلتىرىلگەن مالىمەتتەر بويىنشا اپاتتان 10 ادام زارداپ شەكتى، كىسى شىعىنى بولماعان. 6 جەلتوقسان تاڭعى ساعات 6:00 دە باستالعان قار، 8 كۇنى تۇڭگى ساعات 00:45 كە دەيىن جاۋعان. ناتيجەسىندە قالىڭ قار كوشەلەردە كولىك كەپتەلىسىمەن قاتار تەجەگىشتەردىڭ دە جۇمىس ىستەۋىنە كەدەرگى كەلتىرگەن. اپتا بۇرىن وسى تەكتەس جاعدايدان قالادا 91 جول كولىك وقيعاسى تىركەلگەن بولاتىن.
«اپاتتى جاعدايدىڭ باسىم كوپشىلىگىنە كولىك دوڭگەلەكتەرىنىڭ «جازعى ءجۇرۋ» رەجيمىنەن اۋىسپاعاندىعى سەبەپ بولىپ وتىر»،-دەيدى پوليسەيلەر. ماماندار حابارلاۋىنشا بيىلعى قىستىڭ رايى بىلتىرعىعا قاراعاندا الدەقايدا قاتتى بولماق.
