حالىقارالىق تۇركسوي-دىڭ ۇيىمداستىرۋىمەن كورنەكتى ۇيعىر جازۋشىسى، قوعام قايراتكەرى، قازاقستاننىڭ حالىق جازۋشىسى زيا ءساماديدىڭ 100 جىلدىق مەرەيتويى تۇركيانىڭ نەعدە جانە انكارا قالالارىندا كەڭ كولەمدى اتالىپ ءوتتى. بۇل شاراعا تۇركسوي-دىڭ ارنايى شاقىرۋىمەن جازۋشىنىڭ ۇرپاقتارىنان بالاسى ريزا، قىزى بيلقىز باردى، سونداي-اق، ادەبيەت پەن ونەردىڭ جاناشىرى، كاسىپكەر ءدىلمۇرات كۋزييەۆ، م. اۋەزوۆ اتىنداعى ادەبيەت جانە ونەر ينستيتۋتىنىڭ عالىمى، ف.ع.د. اليمجان ءتىلىۆالدى؛ قجو-نىڭ مۇشەلەرى، ۇيعىر ادەبيەتى كەڭەسىنىڭ ءتوراعاسى، جازۋشى، دراماتۋرگ احمەتجان اشيري؛ ادەبيەتتەانۋشى، ف.ع.د. رابيك يسمايىلوۆ؛ اقىن، اۋدارماشى داۋلەتبەك بايتۇرسىن ۇلى سەكىلدى قالامگەرلەر باردى.

4 جەلتوقسان نەعدە ۋنيۆەرسيتەتىندە وتكەن سالتاناتتى باس قوسۋعا تۇرىك-قازاق ستۋدەنتتەرى، عالىم-ۇستازدارى، 24 مىڭ ستۋدەنتى بار وقۋ ورنىنىڭ رەكتورى ادنان گورور قاتىناسىپ ءسوز سويلەدى. عالىمدار حيكمەت قوراش، ءابدۋراشيت قارلۇق بايانداما جاساپ، ز. ءساماديدىڭ ءومىرى، شىعارماشىلىعى، ۇيعىر تۇرىكتەرىنىڭ ادەبيەتى تۋرالى جان-جاقتى تۇسىنىك بەردى. قازاقستاننان بارعان دەلەگات مۇشەلەرى ءسوز سويلەپ، ولەڭ وقىدى. 500-دەن اسا كىسى باس قوسقان زال تەرەڭ سۇيىسپەنشىلىك، ۇلكەن قۇرمەتپەن تىڭدادى. سوڭىندا قازاقستان جاعى رەكتورعا شاپان جاپسا، ۋنيۆەرسيتەت ۇجىمى دا الاتاۋدان اسىپ بارعان اعايىندارىنا دا ۇلكەن قۇرمەت كورسەتتى. ەرتەسى 5 جەلتوقسان استانا – انكاراداعى تۇركسوي-دىڭ ۇيىندە وتكەن جينالىسقا قازاقستان ەلشىسى ج. تۇيمەبايەۆتىڭ رەسمي وكىلى، ەلشىنىڭ ورىنباسارى ءالىمحان ەسەنگەلدييەۆ ەلشىنىڭ قۇتتىكتاۋىن جەتكىزدى.

تۇركيانىڭ مادەنيەت ءمينيسترىنىڭ ءبىرىنشى ورىنباسارى نيحات گۋل تيۋركسويدىڭ اتكارىپ وتىرعان جۇمىستارى مەن سامادي شىعارماشىلىعىنا توقتالدى، جوعارعى وقۋ ورىندارىنىڭ عالىمدارى، حۋليا كاساپوگلى چەنگەل - گازي ۋنيۆەرسيتەتiنiڭ وقۋتىشىسى، تۋركيات اتتى عىلىمي-پراكتيكالىق زەرتتەۋ ورتالىعىنىڭ ديرەكتورى جالپى ۇيگىر ادەبيەتى مەن زيا سامادي تۋرالى بايانداما جاسادى. گازي ۋنيۆەرسيتەتiنiن وكىتۋشىسى ايسۋن دەميرەز گيۋنەري زيا سامادي شىگارماشىلىعى جونىنندە بايانداما جاسادى؛ قازاق، ۇيعىر، قىرعىز اعايىندار؛ قوعامدىق ۇيىم وكىلدەرى؛ ستۋدەنت جاستار كوپ جينالدى. تۇركسوي-دىڭ باس حاتشىسى دۇيسەن قاسەيىنوۆ مىرزانىڭ سوزىنەن كەيىن رەتىمەن ءسوز العان قاتىسۋشىلار ز. ءساماديدىڭ سان قىرلى، كەڭ تىنىستى، ەنسيكلوپەديست-جازۋشى ەكەنىن اتاپ ءوتتى. ونىڭ حالىق جازۋشىسى بولۋى دا تەگىن ەمەس ەكەنى سودان شىعار. بايانداما جاساعان تۇرىك عالىمدارى جازۋشىنى تەرەڭىنەن سارالاي كەلىپ، ول كۇللى تۇركى دۇنيەسىنىڭ ايگىلى قالامگەرى دەگەنگە توقتادى. وسىناۋ حالىقارالىق ماڭىزى بار جينالىستى سونداعى قازاقستاننىڭ وكىلى، جازۋشى، اۋدارماشى مالىك وتاربايەۆ جۇرگىزىپ وتىردى. بۇل شارانىڭ قارساڭىندا ز. ءساماديدىڭ «يپارحان»، ا. ءاشيريدىڭ «يدي قۇت» پەسالارىن تۇرىك تىلىندە جەكە-جەكە كىتاپ بولىپ باسىلىپ شىققانىن اتاپ ايتۋعا بولادى. جينالىستى قورىتىندىلاعان د. قاسەيىنوۆ مىرزا قازاقستان ادەبيەتىنىڭ ءبىر سالاسى وسى ۇيعىر ادەبيەتى ەكەنىن، ز. ءساماديدىڭ ەڭبەگى تۇركى جۇرتىنىڭ رۋحاني قازىناسىنا قوسىلعان بايلىق دەپ شەگەلەدى. وسى جولدا ەڭبەك ەتىپ جۇرگەن ا. اشيريگە، د. بايتۇرسىنۇلىنا «ماحتۇمق ۇلى فراكي»، ر. يسمايىلعا «توقتاعۇل ساتىلعانوۆ» اتىنداعى مەدالدەردى تابىس ەتسە، وزگە قوناقتاردى «دادا قورقىت» اتىنداعى بەلگىلەرىمەن سىيلادى.

ارنايى حابار تۇركسوي-دىڭ قازاقستاندىق وكىلدىگىنەن