جاڭا جىلدان باستاپ، قازاقستاندا كوشەلەردە زاڭسىز جولمەن جۇرگەن قايىرشىلاردى، كورىپكەلدەردى جانە جەزوكشەلەردى ۇستاپ، 10 000 تگ كولەمىندە ايىپپۇل تولەتەدى، ارىسى اباقتىعا قامايتىن زاڭ كۇشىنە ەنبەك. بۇل تۋرالى كتك تەلەارناسى حابارلايدى.

اكىمشىلىك كودەكستىڭ جاڭارتىلعان نۇسقاسىندا « قوعامدىق ورىنداردا قايىر تىلەۋ» تۋرالى جاڭا تارماق قوسىلدى. اۆتوبۋستا، كوشەلەردە، سۋپەرماركەت اينالاسىندا قول جايىپ تۇرعاندارعا جواعارىدا كورسەتىلگەندەي جازا تۇرلەرى قولدانىلادى. كوشە «بيكەشتەرى» دە بۇل زاڭنىڭ تالابىنان تىسقارى قالمايتىن كورىنەدى. قولىنا كىر-قوجالاق بالاسىن ەرتىپ الىپ، كوشە كەزگەندەر قايىر تىلەمەيدى، قارجى تالاپ ەتەتىن دە جاعدايعا جەتكەن.

قۇلشىلىق ورىندارىنىڭ اۋلاسىندا نەمەسە جەرتولەلەردە تۇرعان كىسىلەردى زاڭ اينالىپ وتپەك. «جەرتولەدە تۇرعان ادامدار، الدىنا تەلپەگىن تاستاپ نەمەسە ىدىسىن جايعاندار جۇرت بەرسە بەردى، بەرمەسە قولقالاماسا قايىرشىلىقتىڭ بۇل تۇرىنە راقىمشىلىق جاسالادى»،- دەپ ءىىد باسقارماسىنىڭ باستىعى الەكسەي ميۋليك مالىمدەدى.