«جۇڭگو تىڭداپ تۇر» (中国正在听) جوباسىنداعى ۇزدىك 8 كونكۋرسانت وسى جولى (05.12.2014) «مەنىڭ جۇلدىزىم» دەگەن تاقىرىپپەن وزدەرىنە تۇلعا تۇتقان ادامعا ارناپ ءان شىرقادى.
[embed]https://www.youtube.com/watch؟v=a281NerkwdU[/embed]اراي ءوزى ورىندايتىن ءانىن بىلاي تانىستىردى: «مەن ءۇشىن جۇلدىز بولعان ادام وسى كۇنى تىڭدارماندارىنان ۇمىت قالعان تۇلعا. ەسىمى – باقىتجان (قاجىمۇقانوۆ). 90-جىلداردىڭ باسقى كەزىندە «ازيا داۋسى» دەگەن حالىقارالىق كونكۋرc بولعان. باقىتجان سول جوبانىڭ بىرىندە جۇلدەگەر اتاندى. مەن 7-8 جاسىمدا ونىڭ ءبىر ءانىن تىڭداعانمىن. سول كەزدە ول جازعان اندەر باسقا كومپوزيتور تۋىندىلارىنان وزگەشە بولىپ سەزىلەتىن. ال 8 جاسىمدا انگە دەگەن قىزىعۋشىلىعىم تەرەڭدەپ، وزىندىك كوزقاراسىم پايدا بولا باستادى. وسىدان كەيىن ول كىسىنىڭ راسىمەن دە وتە مىقتى سازگەر ەكەنىنە كوزىم جەتتى. بۇگىنگى تاڭدا تانىمالدىق دارەجەگە يە بولعان مۋزىكانىڭ كەيبىر ستيلدەرىن ول كىسى وسىدان 20 جىل بۇرىن اق ءوز شىعارماشىلىعىندا قالىپتاستىرىپ ۇلگەرگەن ەكەن. ول كىسىنى تاۋىپ، جولىعۋعا قاتتى قۇشتار بولدىم. سودان بەرى بىلتىر عانا قازاقستانعا بارىپ تەلەباعدارلاماعا قاتىسۋدىڭ ورايى تۋدى. ءسويتىپ ول كىسىمەن كەزدەسەتىن بولىپ كۇتىپ وتىردىم. وسى كۇنى ونەردەگى ەڭ جارقىن تۇلعاعا اينالعان بولار دەگەن تەبىرەنىس تە جوق ەمەس. ءبىراق... ول كىسىنى كورگەندە مۇلدەم باسقا ءبىر ادامدى كورگەندەي اسەردە بولدىم... سويتسەم، باقىتجان اعا الىس جولدار كولىگىنىڭ جۇرگىزۋشىسى بولىپ ءجۇر ەكەن... باقىتجان اعا مەنىڭ سوناۋ الىس جەردەن ارنايى ىزدەپ كەلگەنىمە العاشىندا سەنبەدى. قولىما گيتارامدى الىپ ءوزىنىڭ ءانىن ورىنداپ بەرگەنىمدە، ءسال عانا جىميىپ، «ۇزاق جىلدان بەرى ورىندالماعان ءانىمنىڭ ءبىر نوتاسىن بۇزباي ورىنداپ بەردىڭ» دەپ كوزىنە جاس الدى. ءسويتىپ ءبىر كۇن ديدارلاس بولدىق. كوز جاسى مەن كەتكەنشە تيىلمادى... ول كىسى كولىك جۇرگىزۋشىسى بولعانىمەن، ءالى دە ءان جازۋىن توقتاتپاعان. سول كەزدەسۋدە «تەك جۇرەگىم سوعىسىن توقتاتپاسىن. مەن ونەردى ءسۇيىپ وتەمىن» دەگەن ەدى. وسى ءسوز قۇلاعىمنان كەتپەيدى... ونىڭ ونەرىنە دەگەن ماحابباتىم تەرەڭدەي ءتۇستى! مەن بۇگىن كەزدەسۋدە وزىنە ورىنداپ بەرگەن «تاڭعى جاس» ءانىن ايتامىن. ءان قازاقشا بولعانىمەن، مۋزىكادا ءتىل بولمايدى. بۇل ءان سەنى دە تەبىرەنتەدى دەپ سەنەمىن!»
4 ساراپشى پىكىرى: 哈林 (حالين): سەن حالىق (جۇڭگو) تانىمايتىن اۋەنمەن جۇڭگو جۇرتى بۇرىن-سوڭدى ەسىپ كورمەگەن ءاندى ورىندادىڭ. بۇل سەنىڭ جوباداعى تاعدىرىڭ ءۇشىن وتە ءقاۋىپتى ەدى. بىردە-بىر ءسوزى تۇسىنىكسىز، حالىق جانىنا جات ءاندى ءوزىڭ تاڭدادىڭ با، الدە جەتەكشىلەر كەڭەسىمەن ايتتىڭ با؟ اراي: ءاندى جۇرەك قالاۋىممەن ورىندادىم. راس، ءاندى تاڭدار كەزدە ونىڭ وسى ساحنادا ماعان اكەلەر قاتەرىن دە ويلادىم. ءبىراق ءوز تاڭداۋىمدى جوبا جەتەكشىلەرىنە ايتقانىمدا ولار ماقۇلدادى. قاتتى قۋاندىم. بۇل ءاندى ورىنداۋ مەن ءۇشىن ءبىر مىندەت بولعاندىقتان، باسقا ەشتەڭەنى ويلامادىم. مەن قاتتى قۇرمەتتەيتىن ادامنىڭ ءوزىم ءسۇيىپ تىڭدايتىن ءانىن ورىنداۋعا مۇمكىندىك بەرگەن وسى ساحناعا ايتار العىسىم مول. 春春 (chun chun): اراي ورىنداعان ءاننىڭ ءبىر ءسوزىن دە ۇقپادىم. ونىڭ ۇستىنە ازداعان داۋىس اۋىتقۋشىلىقتار دا (فالش) بولدى. ءبىراق ءان ءتىلىن اۋەنمەن تۇسىندىرە الاتىنىن دالەلدەدى. 李建 (lijian): جاقسى ءان ادامدى وسىرەدى. وسىنداي تانىمى، تاجىريبەسى بار ارايدىڭ كەلەشەكتە كاسىبي شەبەرلىگى وتە مىقتى ءانشى بولاتىنىنا سەنەمىن. قۇتتىقتايمىن! ناتيجەسىندە اراي 73 پايىزدىق باعالاۋعا (ونىڭ ىشىندە 4 ساراپشىنىڭ قولداۋى بار) يە بولىپ ۇزدىك 7ء-دىڭ ءبىرى بولدى. بۇل كەزەڭدە 31 پايىزدىق كورسەتكىشپەن ءبىر كونكۋرسانت جوبامەن قوشتاستى. ارايعا ساتتىلىك تىلەيىك!
Yertay Nussipzhanov، Facebook پاراقشاسىنان
