«دۇنيەجۇزى ارۋى-2014» بايقاۋىندا ايداي يسايەۆا كورەرمەندەردىڭ الدىنا بەلگىلى ديزاينەر ايدا قاۋمەنوۆانىڭ ارنايى دايىنداپ، تىگىلگەن ۇلتتىق كيىم ۇلگىسىمەن شىعادى.
كەشكى كورسەتىلىمدە ايداي يسايەۆا Swarovski تاستارىمەن بەدەرلەنگەن CoutureCollection-نىڭ SherriHill ۇسىنعان كويلەگىن كيىپ شىقپاق.
ءداستۇر بويىنشا، «دۇنيەجۇزى ارۋى-2014» بايقاۋىنىڭ فينالىنا ءۇش اپتا قالعاندا الەمنىڭ تۇكپىر-تۇكپىرىنەن كەلگەن تيتۋلدى سۇلۋلاردىڭ باستارى بىرىگەدى. ءقازىر ارۋلار قىزۋ دايىندىق ۇستىندە. قايىرىمدىلىق جوبالارعا، فوتوسەسسيالارعا، ەڭ ۇزدىك ۇلتتىق كوستيۋم بايقاۋىنا قاتىسىپ جاتىر.
ەستەرىڭىزگە سالا كەتەيىك، ايداي يسايەۆا 25 قاڭتاردا ماياميدە (اقش) وتەتىن ەڭ بەدەلدى سۇلۋلىق بايقاۋلارىنىڭ ءبىرى «دۇنيەجۇزى ارۋى-2014» دوداسىنا قازاقستاننىڭ اتىنان قاتىسادى.
الەمنىڭ ەڭ سۇلۋ ارۋىنىڭ اتى 25 قاڭتاردا اقتىق شوۋدا اتالادى. الەمنىڭ 200-دەن اسا ەلىندە تىكەلەي ترانسلياسيا جۇرگىزىلەدى. جەڭىمپازعا ءتاجدى ۆەنەسۋەلالىق گابريەلا يسلەر تاپسىرادى. سونداي-اق تاڭدالعان «دۇنيەجۇزى ارۋى-2014» 2015 جىلدىڭ جازىندا قازاقستانعا كەلىپ، جىل سايىنعى وپەرا بالىنىڭ جۇرگىزۋشىسى بولماق.
"كازينفورم"
