گونكونگ تۇرعىنى دەنەسىنە 94 دانا iPhone بايلاپ شەكارادان شىقپاق بولدى، دەپ حابارلايدى Qamshy.kz پورتالى gb.cri.cn سايتىنا سىلتەمە جاساي وتىرىپ.
11 قاڭتار كۇنى كونكونگ شەكارا قىزمەتى تۋريستەر كوپ وتەتىن حۋاڭگاڭ وتكەلىنەن ءجۇرىسى وزگەشە ەر ادامنىڭ كۇمان تۋدىرعانى جايلى ايتتى. وقيعا ورنىندا ەر ادامنىڭ سومكەسى مەن قالتاسىنان ەشقانداي زاڭعا قايشى تاۋارلار بايقالماعان. كەيىن كەدەن قىزمەتكەرلەرى ونىڭ دەنەسىن ءتىنتۋ بارىسىندا كوكىرەك، ارقا بولىمىنە كوپ مولشەردەگى iPhone-نىڭ تاڭىلىپ قويىلعانىن بايقايدى.
تەكسەرۋ بارىسىندا نارىقتا سۇرانىسقا يە بولىپ وتىرعان iPhone 6 جانە iPhone 5S سمارتفوندارىنان جالپى سانى 94 داناسى تابىلعان. ولاردىڭ جالپى قۇنى 50 مىڭ اقش دوللارى كولەمىندە بولعان. شەكارا قىزمەتىنىڭ مالىمدەۋىنشە بۇل ادامنىڭ وسىدان بۇرىن دا شەكارا زاڭىن بۇزعاندىعى سەبەپتى اكىمشىلىك جاۋاپقا تارتىلعان. ال، بۇل وقيعاعا بايلانىسى قىلمىستىق ءىس قوزعالىپ، تەرگەۋ امالدىرى جۇرگىزىلۋدە ەكەن.
م.جوشى
