اقش استاناسى ۆاشينگتوندا تۇراتىن مۇسىلماندار اق ءۇيدىڭ الدىندا جۇما نامازىن وقىدى دەپ حابارلايدى

پورتالى. ۆاشينگتون مۇسىلماندارى يسلام ءدىنىن قابىلداعان ءۇش ءجاسوسپىرىمنىڭ ولىمىنەن سوڭ ەل پرەزيدەنتىنىڭ رەزيدەنسياسىنىڭ الدىندا ءبىر مەزەتتە 200-دەن استام مۇسىلمان جۇما نامازىنا جىعىلىپ، دۇعا جاسادى. اقش-تىڭ چاپەل حيلل قالاسىنىڭ تۇرعىنى، ءوزىن "اتەيست" رەتىندە تانىستىرعان كرەيگ ستەفان حيكس 23 جاستاعى  ستۋدەنت (بولاشاق ءتىس دارىگەرى) داە باراكاتتى، ايەلى 21 جاستاعى يۋسور مۇحاممەد ءابۋ سالحانى جانە 19 جاسار بالدىزى رازان مۇحاممەدتى ءوز ۇيىندە اڭشى مىلتىعىمەن اياۋسىزدىقپەن ولتىرگەن بولاتىن. يسلام ءدىنىن ۇستانعانى ءۇشىن ناقاق جالانىڭ قۇربانى بولعان باۋىرلارىن ەسكە الۋعا اق ءۇيدىڭ الدىنا جينالعان 200 دەن استام مۇسىلمان باۋىرلار اۋا-رايىنىڭ  سۋىقتىعىنا قاراماستان جۇما نامازىنا جىعىلىپ، اللادان دۇعا جاسادى. ولاردىڭ بۇل جەرگە جينالۋىنىڭ تاعى ءبىر سەبەبى، اقش-تا سوڭعى كەزدەرى يسلامافوبيا كۇشەيىپ، مۇسىلمان ەمەس، ءتۇرلى توپتار تاراپىنان قىسىم كەلە باستاعان. ناتەجيەسى كىسى ولىمىنە دەيىن اپارعان. وعان دالەل ءوز ۇيىندە اياۋسىزدىقپەن اتىلعان ءۇش بىردەي مۇسىلمان وتباسى. وسى ماسەلەلەردى اق ءۇيدىڭ الدىنا جينالعاندار حالىق الدىندا تالقىعا سالىپ، بيلىكتەن تەڭدىك سۇرادى. رەسمي باياندامالار وقىلىپ بولعان سوڭ، اق ءۇيدىڭ الدىندا ازان شاقىرىلىپ، جاماعات بىردەي جۇما نامازىنا تۇردى. اتالمىش شارانى ۇيىمداستىرۋشى ماحروح جاحانگەري: - وسىلايشا ءبىز حالىقتى يسلامافوبيادان قۇتقارۋىمىز كەرەك. شىن مانىندەگى يسلام ءدىنىنىڭ كوركەمدىگىن، تازالىعىن، ەكستريميست ەمەس ەكەندىگىن جەتكىزگىمىز كەلدى،-دەيدى. ء-بىز اقش پرەزيدەنتى باراك وبامادان قازا بولعانداردىڭ جانۇيالارىنا كوڭىل ايتىپ، كومەك بەرۋىن تالاپ ەتەمىز. اقش-تا يسلامعا دەگەن نارازىلىق پەن وشپەندىلىك تۋىنداماۋى ءۇشىن پرەزيدەنتتىڭ ءوزى حالىق الدىنا شىعىپ، ماسەلەنى ءتۇسىندىرۋىن قالايمىز دەيدى جينالعاندار.