سەمەيدە كەيۋانا 40 جاستاعى بالاسىن ارنايى ادام جالداپ ولتىرگەن. بۇل تۋرالى Qamshy.kz پورتالى YK.news.kz-كە سىلتەمە جاساي وتىرىپ حابارلايدى.
شقو، سەمەي قالاسىنىڭ تۇرعىنى كۇيەۋىمەن بىرگە ءوزىنىڭ ءبىرىنشى نەكەسىنەن تۋعان 40 جاسار ۇلىن ولتىرۋگە ادام جالداعان. تاپسىرمانى ورىنداۋشىلار (كيللەر) اۋەلى نىساندى ۇرلاپ، ەل كوزىنەن جاسىرىن جەرگە اپارىپ، ازاپتاپ ولتىرگەن.
شقو مامانداندىرىلعان اۋدانارالىق سوتى قانىشەر انانى 19 جىلعا، ونىڭ جۇبايىن 10 جىلعا باس بوستاندىعىنان ايىرىپ، قاتاڭ رەجيمدى تۇزەتۋ كولونياسىنا جىبەرۋگە شەشىم شىعارعان. ال، تاپسىرمانى ورىنداۋشى جەندەتتەردى 18 جىلعا تەمىر تورعا توعىتۋعا ۇكىم ەتىلگەن.
سوت وتىرىسى كەزىندە قانىشەر انا اليەۆتينا يۆانوۆا بالاسىنىڭ سوڭعى كەزدەرى ناشاقورلىققا سالىنىپ، ءوزىنىڭ ەكىنشى نەكەسىنەن تۋعان، كامەلەت جاسقا تولماعان قىزىنا زورلىق كورسەتكەنىن، ۇنەمى اقشا تالاپ ەتىپ، ىشىمدىككە سالىنىپ، وزىنە كۇش قولدانعاندىعىمەن اقتالعان.
العاشقىدا يۆانوۆانىڭ ۇلى سەرگەي اناسىمەن بىرگە تۇرعان. كەيىن، ول باسپانانى وزىنە قالدىرۋىن تالاپ ەتكەن. كۇندەلىكتى ۇرىس-كەرىستەن شارشاعان ايەل ارنايى ادامدار جالداپ، شەكتەن شىققان ۇلىن تارتىپكە سالماقشى بولىپتى. ءتىپتى، كۇيەۋى ءۇش جىگىتتى جالداعانىمەن ناتەجيەسىز بولعان. اقىرى امالى قالماعان ايەل ۇلىن ولتىرۋگە شەشىم قابىلداپ، جەندەت جالدايدى. 150 مىڭ تەڭگەگە كەلىسكەن جەندەتتەر سەرگەيدى اۋىلدان 12 شاقىرىم جەرگە اپارىپ، اياۋسىزدىقپەن ولتىرگەن.