بەلگىلى تەلەجۇرگىزۋشى جانە پروديۋسەر بايان ەسەنتايەۆا "كەشYOU" توبىنىڭ جاڭا قۇرامىمەن تانىستىردى.

"كەشيۋ توبىنىڭ جاڭا انشىلەرىمەن تانىستىرعىم كەلەدى. اقبوتا سەيتماعامبەت، 18 جاستا. چايكوۆسكيي اتىنداعى مۋزىكا كوللەدجىنىڭ ستۋدەنتى. وقو كەنتاۋ قالاسىنىڭ تۋماسى. ول - ءبىزدىڭ ۇلكەن ءۇمىتىمىز!"، - دەپ جازدى پروديۋسەر فوتو كوممەنتاريىنە.

ەسەنتايەۆا تانىستىرۋىن ارى قاراي جالعاستىردى.

"بالجان بيداش، 19 جاستا. ەلەبەكوۆ اتىنداعى ەسترادالىق-سيرك كوللەدجىنىڭ ستۋدەنتى. ءتۇرلى بايقاۋلاردىڭ لاۋرەاتى. شىعارماشىلىق جانۇيادا تۋعان. سىر ەلىنىڭ تالانتتى تۋماسى، بولاشاعى جارقىن، ماقساتى ايقىن!"، - دەپ قوستى ول.

"جۇلدىز ءومىرعالي، 19 جاستا. رىسقۇلوۆ اتىنداعى ۇەۋ-دا "الەمدىك ەكونوميكا" ماماندىعى بويىنشا ءبىلىم الۋدا. الماتى وبلىسىندا، ۇزىناعاشتا، سۋرەتشىلەر جانۇياسىندا تۋعان. دارىندى قىز!"، - دەدى پروديۋسەر.

اتاپ ءوتۋ كەرەك، جاڭا قۇرامداعى توپ 13 اقپاندا الماتىدا وتكەن ەسكەندىر حاسانعالييەۆتىڭ شىعارماشىلىق كەشىندە ونەر كورسەتتى.

ەسكە سالا كەتەيىك، توپتاعى وزگەرىستەر تۋرالى بايان ەسەنتايەۆا اعىمداعى جىلدىڭ باسىندا حابارلاعان.

توپتىڭ بۇرىنعى ءانشىسى كامشات جولدىبايەۆا جەكە ءان سالىپ، ايدانا مەدەنوۆا ديزاينەرلىك قىزمەتپەن اينالىساتىن بولدى. بۇرىن بۇل توپ قۇرامىندا ءمولدىر اۋەلبەكوۆا، انەل ارىنوۆا جانە جانار دۇعالوۆا بولعان.