Qamshy.kz پورتالى وتكەن جىلدىڭ قاراشا ايىندا "گولوۆكين قاي ۇلتتىڭ شاپانىن كيىپ ءجۇر؟" دەگەن تاقىرىپتا ماقالا جاريالاعان بولاتىن.
بۇل ماسەلە كوتەرىلە سالىسىمەن الەۋمەتتىك جەلىلەردە جازباعا قارسى پىكىرلەر قارشا بوراعان ەدى. ەندى مىنە، اتالعان ماسەلە ءوز شەشىمىن تاۋىپ، ۇلتتىق ءتول ويۋ-ورنەگىمەن ناقىشتالعان شاپاندى وتىرار اۋدانىنىڭ تۋماسى ءابدىماجيت سىزدىقبەكوۆ دەگەن ازامات تىگىپ، گەننادييگە سىيعا تارۋدى كوزدەپ وتىر ەكەن. بۇل تۋرالى سەرىك سەيتمان ءوز ماقالاسىندا ايتتى.
"قولىمدا گەناعا سىيىم رەتىندە الىپ بارا جاتقان ارنايى تىكتىرگەن شاپانىم بار. ول بۇدان بىلاي وسى شاپاندى كيىپ شىقسا ەكەن"، - دەيدى ءابدىماجيت ساتتار ۇلى. ايتا كەتەيىك، كاسىپقوي بوكستان ورتا سالماقتاعى الەم چەمپيونى، WBA (Super)، IBO جانە WBC (Interim) چەمپيوندىق بەلبەۋلەرىنىڭ يەگەرى گەننادي گولوۆكينمەن جەكپە-جەك وتكىزەتىن بريتاندىق بوكسشى مارتين ميۋررەي اراسىنداعى جەكپە-جەك اقپاننىڭ 21-نەن 22-نە قاراعان ءتۇنى مونتە-كارلوداعى "Salle des Etoiles" ارەناسىندا وتەدى دەپ كۇتىلۋدە. وتانداسىمىزدىڭ ونەرىن "قازاقستان" ۇلتتىق ارناسى تىكەلەي ەفيردەن كورسەتەدى دەپ كۇتىلۋدە.
