سوڭعى ايلاردا الەۋمەتتىك جەلىلەر مەن ب ا ق بەتتەرىندە رەسەي پرەزيدەنتى ۆلاديمەر ءپۋتيننىڭ دەنساۋلىعىنا قاتىستى سان ءتۇرلى قاۋەسەت تارادى. الەمدىك ساياساتتا ەڭ ايلاكەر فاشيستتىك گەرمانيانىڭ قولباسشىسى بولعان گيتلەردەن كەيىن ويىپ تۇرىپ ورىن العان ءپۋتيننىڭ سىرقاتىنا بايلانىستى تاعى ءبىر تىڭ اقپاراتتى امەريكالىق "USA Today" باسىلىمى جاريالاپ وتىر. ارنايى پەنتاگوننىڭ تامسىرماسى بويىنشا ازىرلەنگەن زەرتتەۋ جۇمىستارىنىڭ قورىتىندىسى بويىنشا رەسەي پرەزيدەنتى ۆ. ۆ. پۋتين سوڭعى كەزدەرى "اسپەرگەرا" اۋرۋىنا شالدىققان مىس. ال پرەزيدەنت دەنساۋلىعىنا قاتىستى مالىمەتتەر حالىقارالىق "اقپارات بوستاندىعى" (FOIA) ۇيىمىمنان الىنعان.
"اسپەرگەرا" - بۇل "ءاۋتيزمنىڭ" ءبىر ءتۇرى. ال "اۋتيزم" - ادامنىڭ ويلاۋ، شەشىم قابىلداۋ جۇيەلەرىنىڭ بۇزىلۋى دەگەندى بىلدىرەدى. زەرتتەۋشىلەردىڭ بىرى-برەند كوننورس رەسەي پرەزيدەنتتىڭ حالىقارالىق، فەدەرالدىق كونگرەسستەردە جاساعان باياندامالارىنا، ءوزىن-وزى ۇستاۋىنا ساراپتاما جاساي كەلە، پۋتيندە "نيەۆرولوگيالىق اۋىتقۋلار" بار دەگەن تۇجىرىمعا كەلگەن. برەند كوننورس پەنتاگوننىڭ ساياسي-عىلىمي زەرتتەۋ ورتالىعىندا رەسەي پرەزيدەنتى ءپۋتيننىڭ ءىس-قيمىلدارىن 2008 جىلدان بەرى زەرتتەپ كەلەدى ەكەن. جەتى جىل جۇرگىزىلگەن زەرتتەۋلەردىڭ قورىتىندىسى بويىنشا ءپۋتيننىڭ سوڭعى كەزدەگى ۋكرايناعا قاتىستى ، مينسك كەلىسسوزدەرىندەگى ت.ب. قابىلداعان شەشىمدەرىنە تىكەلەي وسى سىرقاتىنىڭ اسەر ەتكەنىن باياندايدى.
