دجەي ولسون باسقارعان كانادالىق ماكگيلل ۋنيۆەرسيتەتىنىڭ عالىمدار توبى سيقىرشىلارعا ءوز ايلالارىن جۇزەگە اسىرۋعا ادام پسيحولوگياسىنداعى نە نارسە كومەكتەسەتىنىن انىقتادى.

زەرتتەۋ كورسەتكەندەي، ادامدار ءتۇسى اشىق، نازار اۋداراتىن نۇسقالاردى تاڭدايدى ەكەن. ول كارتا بولسىن، قاندايدا ءبىر زات بولسا دا. سيقىرشى دىتتەگەنىنە قالاي قول جەتكىزۋگە بولاتىنىن بىلەدى، الايدا نەلىكتەن ادىستەرى ءتيىمدى جۇزەگە اساتىنىن تۇسىنبەيدى، دەپ جازادى شەتەلدىك ب ا ق.

زەرتتەۋ بارىسىندا دجەي ولسون (ول سونىمەن قاتار كاسىبي سيقىرشى) كوشەدەگى ادامدارعا كەلىپ، ءبىر كارتا تاڭداۋىن ۇسىنعان. ءوزى كارتا كولوداسىن كورەرمەندەردىڭ كوزىنشە تەز اۋىستىرىپ وتىرعان. ءۇردىس شامامەن جارتى سەكۋند ۋاقىتتى الدى.

ولسون ءبىر كارتانى "ماقسات" قىلۋ ءادىسىن پايدالاندى. بۇل كارتانى ول وزگەلەرگە قاراعاندا ۇزاعىراق كورسەتىپ، وعان نازار اۋدارتقان. ناتيجەسىندە 98% قاتىسۋشى وسى كارتانى تاڭدادى، سولاردىڭ 91% كارتانى وزدەرى تاڭداعانىنا سەنىمدى بولدى. "قازينفورم"