وسكەمەندە ۇلى ابايدىڭ 170 جىلدىق مەرەيتويى اياسىندا بەلگىلى ابايتانۋشى، پروفەسسور باۋىرجان ەردەمبەكوۆتىڭ «ابايدىڭ ادەبي ورتاسى»، «ءارىپ اقىن»، «الاشتىڭ اقيىعى – ءارىپ اقىن»، «بۇل ولەڭ شىققان ەكەن ءبىرتالايدان»، «ءارىپ تاڭىربەرگەن ۇلىنىڭ شىعارمالارى» كىتاپتارىنىڭ تۇساۋكەسەرى ءوتتى، - دەپ حابارلايدى Qamshy.kz پورتالى شقو اقپاراتتىق ورتالىعىنا سىلتەمە جاساي وتىرىپ.

باۋىرجان ەردەمبەكوۆ 200-گە تارتا عىلىمي باياندامالار مەن عىلىمي-تانىمدىق ماقالالار، سونىمەن قاتار، ەكى مونوگرافيا، ءبىر وقۋلىق، التى وقۋ قۇرالى، ەكى وقۋ-ادىستەمەلىك نۇسقاۋدىڭ اۆتورى. وبلىستىق كىتاپحانادا وتكەن تۇساۋكەسەردە عالىمنىڭ ەڭبەكتەرىنە بەس تومدىق عىلىمي جيناق قوسىلدى. سونىڭ ىشىندە 10 جىل زەرتتەلىنىپ، 2008 جىلى باسىلىپ شىققان «ابايدىڭ ادەبي ورتاسى» مونوگرافياسىنىڭ اراب قارپىندەگى نۇسقاسى بار. قازاقتىڭ اقىن-جازۋشىلارى مەن عالىمدارىنىڭ ەڭبەكتەرىنە سۇرانىسى جوعارى جۇڭگو، تۇركيا، موڭعوليادا تۇراتىن قازاقتاردىڭ  ءوتىنىشى بويىنشا 2014 جىلدىڭ قىركۇيەك ايىندا پەكين قالاسىنداعى ورتالىق ۇلتتىق ۋنيۆەرسيتەتتە اتالمىش مونوگرافيانىڭ تۇساۋكەسەرى وتكەن.

بەس تومدىق جيناقتىڭ تۇساۋكەسەرىنە كەلگەن بيلىك جانە زيالى قاۋىم وكىلدەرى، ستۋدەنتتەر عالىمنىڭ ەڭبەكتەرىنىڭ جارىققا شىعۋىمەن قۇتتىقتاپ، ىزگى لەبىزدەرىن ءبىلدىردى.

– ابايدىڭ ادەبي ورتاسى مەن ءارىپ تاڭىربەرگەن ۇلىنىڭ شىعارمالارىن 2000 جىلدان بەرى زەرتتەدىم. رەسپۋبليكا ىشىنەن بولەك شەتتەگى قانداستارىمىزدىڭ كىتاپتارىمىزدى وقۋ مۇمكىندىگىنىڭ جوقتىعى تاعى ءبىر ماسەلە. جۇڭگو مەن تۇركياداعى قازاقتار اراب قارپىندە وقيتىندىقتان، جالعىز ءوز ەڭبەكتەرىمدى ەمەس، شاكىرتتەرىم ارقىلى قازاق جازۋشىلارى مەن عالىمدارىنىڭ ءبىرقاتار ەڭبەكتەرىن توتە جازۋعا ءتۇسىرۋ جۇمىستارىن جۇرگىزىپ كەلەمىز، – دەدى ب.ەربەمبەكوۆ.