لاتۆيا قاۋىپسىزدىك قىزمەتكەرلەرى الەۋمەتتىك جەلىلەردە لاتۆيانىڭ رەسەيگە قوسىلۋىن قولدايتىنداردىڭ قولىن جيناعان ازاماتتى تۇتقىندادى. بۇل تۋرالى Qamshy.kz پورتالى Delfi.lv پورتالىنا سىلتەمە جاساي وتىرىپ حابارلايدى.
27 اقپان كۇنى لاتۆيا رەسپۋبليكاسىنىڭ قاۋىپسىزدىك قىزمەتكەرلەرى ينتەرنەت ارقىلى لاتۆيانىڭ رەسەيگە قوسىلۋىن قولداعان بەلسەندىنى قۇرىقتاعان. ارناي جۇرگىزىلگەن ءتىنتۋ كەزىندە ونىڭ ۇيىنەن بىرنەشە كومپيۋتەرلىك تەحنيكا تاركىلەنگەن. تاركىلەنگەن كومپيۋتەرلەردىڭ ىشىندە لاتۆيا پەسپۋبليكاسىنىڭ رەسەي فەدەراسياسىنا قوسىلۋىن قولداعان مىڭداعان ازاماتتىڭ قولى جينالعان قۇجاتتار تابىلعان.
قازىرگى تاڭدا تۇتقىندالعان ازاماتقا قاتىستى لاتۆيا قىلمىستىق كودەكسىنىڭ 82 بابى، 1 تارماعى بويىنشا "لاتۆيا رەسپۋبليكاسىنىڭ تەرريتووريالىق تۇتاستىعىنا نۇقسان كەلتىرۋگە ارەكەتتەنۋ" دەگەن ايىپ تاعىلىپ، قىلمىستىق ءىس قوزعالعان.
سونداي-اق، تۇتقىندالعان ازاماتتى ءتىنتۋ بارىسىندا ونىڭ بۇعان دەيىن دە الەۋمەتتىك جەلىلەر ارقىلى لاتۆيا قوعامىندا داۋ تۋدىرعان ارەكەتتەر جاساعانى انىقتالدى.
