استانادا قۇندى قۇجاتتار شاڭ باسقان مۇراعات سورەلەرىنەن جارىققا شىعىپ، كوپشىلىك نازارىنا ۇسىنىلدى.
ابىلاي حاننىڭ رەسەيدەگى پاتشا سارايىنا ۇلىن جىبەرۋ جونىندەگى حاتى، پاتشايىم ەكاتەرينا الەكسەيەۆنانىڭ 1777 جىلى 22-جەلتوقساندا شىعارعان بۇيرىعى جانە كەنەسارى حاننىڭ ءولىمى جايلى ورتالىققا جىبەرىلگەن حابارلامامەن تۇرعىندار تانىس بولدى.
حاتتار رەسەيدىڭ ومبى مەن ورىنبور قالالارىنان اكەلىنگەن ەكەن. ءبىرازى ەسكى سلاۆيان تىلىندە جازىلعان.
"ءابىلحايىردىڭ حاننىڭ اراب قارپىندە جازىلعان حاتى، كەنەسارى قاسىم ۇلىنىڭ، نۇرالى حاننىڭ حاتتارى بار. ونىڭ حان بولىپ سايلانۋى جانە ابىلاي حاننىڭ ۇلدارى سۇيەك سۇلتان جايلى دەرەكتەر بار"، - دەيدى استانا قالاسى مەملەكەتتىك مۇراعاتىنىڭ ءبولىم مەڭگەرۋشىسى باقىتجان اقتايلاق.
ولار ءالى عىلىمي اينالىمعا ەنگىزىلگەن جوق، زەرتتەۋشىلەر تاراپىنان تالداۋ جاسالىنعان جوق. ال بۇل قۇجاتتاردى كورۋگە كەلگەندەر تالىمگە تولى جيىن وتكىزىپ، قازاق حاندىعى جايلى مول اقپاراتقا قانىق بولدى.
