بۇگىن ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا ءتورتىنشى دەڭگەيدەگى بيۋدجەت پەن جەرگىلىكتى ءوزىن-وزى باسقارۋدىڭ كوممۋنالدىق مەنشىگىن ەنگىزۋ بارىسى تۋرالى ۇلتتىق ەكونوميكا ءمينيسترى تيمۋر سۇلەيمەنوۆ پەن قارجى ءمينيسترى باقىت سۇلتانوۆ باياندادى دەپ حابارلايدى  Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.

تيمۋر سۇلەيمەنوۆتىڭ ايتۋىنشا، «100 ناقتى قادام» ۇلت جوسپارىنىڭ 98-قادامى اياسىندا اۋداندىق ماڭىزى بار قالا، اۋىل، كەنت، اۋىلدىق وكرۋگ دەڭگەيىندە جەرگىلىكتى ءوزىن-وزى باسقارۋدىڭ (ءجوب) كوممۋنالدىق مەنشىگى مەن IV دەڭگەيدەگى بيۋدجەتتى ەنگىزۋدى كوزدەيتىن جەرگىلىكتى ءوزىن-وزى باسقارۋدى دامىتۋ ماسەلەلەرى بويىنشا زاڭ قابىلداندى.

«جەرگىلىكتى ءوزىن-وزى باسقارۋ بيۋدجەتى مەملەكەتتىك بيۋدجەتتىڭ 4-دەڭگەيى رەتىندە 2018 جىلعى 1 قاڭتاردان باستاپ حالىق سانى 2 مىڭ ادامنان اساتىن 1062 اۋىلدىق وكرۋگتە ەنگىزىلدى، ال 2020 جىلعى 1 قاڭتاردان باستاپ بارلىق جەردە ەنگىزىلەتىن بولادى»، — دەدى تيمۋر سۇلەيمەنوۆ.

ۇلتتىق ەكونوميكا ءمينيسترىنىڭ ايتۋىنشا، دەربەس بيۋدجەتتى ەنگىزۋ اۋىلدىق وكرۋگتەردىڭ قارجىلىق مۇمكىندىكتەرىن كەڭەيتۋگە جانە بەرىلگەن سالىقتاردى تىكەلەي ءوز بيۋدجەتىنە الۋى ارقىلى جەرگىلىكتى ماڭىزى بار ماسەلەلەردى شەشۋدە ءجوب ءرولىن كۇشەيتۋگە مۇمكىندىك بەردى.

اۋىلدىق وكرۋگ بيۋدجەتىنە سالىقتىق تۇسىمدەردىڭ 7 ءتۇرى جانە باسقا دا سالىقتىق ەمەس تۇسىمدەر، سونداي-اق شىعىستاردىڭ 19 باعىتى بەرىلدى.

زاڭدى ءىس جۇزىندە ساپالى ىسكە اسىرۋ ماقساتىندا ءجوب دەربەس بيۋدجەتى مەن كوممۋنالدىق مەنشىگىن ەنگىزۋ جونىندەگى ءىس-شارالار جوسپارى بەكىتىلدى. ءىس-شارالاردىڭ كوبىسى ورىندالدى. ق ر ۇەم وسى جىلدىڭ ەكىنشى جارتى جىلدىعىندا بيۋدجەتتىڭ IV دەڭگەيى ەنگىزىلگەن وڭىرلەردە اۋىل اكىمدەرى مەن ولاردىڭ اپپاراتتارى قىزمەتكەرلەرىن وقىتۋدى جالعاستىرادى.

تيمۋر سۇلەيمەنوۆ ءىس-شارالار جوسپارىن جۇزەگە اسىرۋ كەزەڭىندە تىركەلمەگەن جىلجىمايتىن مۇلىك وبەكتىلەرىنىڭ سانى 88،2 مىڭنان 13،6 مىڭعا ازايعانىن ايتىپ ءوتتى. ۇلتتىق ەكونوميكا ءمينيسترىنىڭ ايتۋىنشا، تىركەلمەگەن جىلجىمايتىن مۇلىك وبەكتىلەرىنىڭ بولۋى اۋىلدىق وكرۋگتەر بيۋدجەتتەرىنە سالىقتاردىڭ تولىق تۇسپەۋىنە اكەلۋى مۇمكىن. وسىعان بايلانىستى، اكىمدەردىڭ ادىلەت ورگاندارىمەن بىرلەسىپ، قۇقىقتاردى مەملەكەتتىك تىركەۋگە قۇجاتتاردى ۇسىنۋ قاجەتتىگى تۋرالى زاڭنامانىڭ تالاپتارىن حالىق اراسىندا ءتۇسىندىرۋ جۇمىسىن كۇشەيتۋ قاجەت.

بۇدان وزگە، جوسپارلى جۇمىس بارىسىندا دەرەكتەر بازالارىنداعى تولىق ەمەس مالىمەتتەر مەن قاتەلەر سانى 2،3 ملن-نان 294 مىڭعا دەيىن قىسقىردى.

بۇگىنگى تاڭدا كەلەسى دەرەكتەر بازاسى مەن اقپاراتتىق جۇيەلەردى ينتەگراسيالاۋ جونىندەگى دايىندىق جۇمىستارى اياقتالعان: ادىلەت مينيسترلىگىنىڭ «جىلجىمايتىن مۇلىك تىركەلىمى» جانە قارجى مينيسترلىگىنىڭ «سالىق تولەۋشىلەردىڭ جانە سالىق سالۋ وبەكتىلەرىنىڭ ءتىزىلىمى»؛ ىشكى ىستەر مينيسترلىگىنىڭ «سەرۆيستىك ورتالىق» جانە ادىلەت مينيسترلىگىنىڭ «جەكە تۇلعالار» جانە «زاڭدى تۇلعالار»؛ اۋىل شارۋاشىلىعى مينيسترلىگىنىڭ «جەر كاداسترى» جانە قارجى مينيسترلىگىنىڭ «سالىق تولەۋشىلەردىڭ جانە سالىق سالۋ وبەكتىلەرىنىڭ ءتىزىلىمى».

اۋىل شارۋاشىلىعى مينيسترلىگىنىڭ «جەر كاداسترى» اقپاراتتىق جۇيەسىن ادىلەت مينيسترلىگىنىڭ «جىلجىمايتىن مۇلىك تىركەلىمى» دەرەكتەر بازاسىمەن تولىق ينتەگراسيالاۋ وسى جىلدىڭ ءبىرىنشى جارتىجىلدىعىنىڭ سوڭىندا اياقتالادى دەپ جوسپارلانعان.

«ءجوب دامىتۋ بويىنشا جۇمىس مۇنىمەن اياقتالمايدى. قازىرگى تاڭدا اۋىلدىق وكرۋگتەردە بيۋدجەت پەن كوممۋنالدىق مەنشىكتىڭ جاڭا دەڭگەيىن ەنگىزۋگە تالداۋ جۇرگىزىلۋدە. ناتيجەسى بويىنشا ءجوب ينستيتۋتىن دامىتۋ بويىنشا، ونىڭ ىشىندە جەرگىلىكتى ماڭىزى بار ماسەلەلەردى ءتيىمدى جانە دەربەس شەشۋ ءۇشىن قوسىمشا سالىقتىق جانە باسقا دا تۇسىمدەردى بەرۋ بويىنشا شارالار قابىلداناتىن بولادى»، — دەدى ت. سۇلەيمەنوۆ.

قارجى ءمينيسترى باقىت سۇلتانوۆ اۋىلدىق وكرۋگتەردىڭ بيۋدجەتتەرىنە تۇسەتىن سالىقتى قامتاماسىز ەتۋ تۋرالى باياندادى.

جالپى العاندا، كىرىستەردىڭ اسىرا ورىندالۋى IV دەڭگەيدەگى بارلىق بيۋدجەتتەر ويىنشا قول جەتكىزىلدى. قارجى مينيسترلىگىنىڭ دەرەكتەرىنە سايكەس، وسى جىلدىڭ ءبىرىنشى توقسانىندا ناقتى ءتۇسىم 27،7 ملرد تەڭگەنى قۇرادى. ولاردىڭ ىشىندە سالىق ءتۇسىمى — ەسەپتى كەزەڭدە جوسپاردى 118،5%-كە اسىرا ورىنداۋعا بايلانىستى 5،2 ملرد تەڭگەنى قۇرادى. سالىقتىق ەمەس تۇسىمدەر — 3،1 ملرد تەڭگە، سونىڭ ىشىندە 3 ملرد تەڭگەسى — وتكەن جىلداعى شوتتارداعى قالدىقتار.

جالپى سوما بويىنشا ناقتى شىعىندار 21،9 ملرد تەڭگەنى نەمەسە ەسەپتى كەزەڭدەگى جوسپاردىڭ 98% قۇرادى. شىعىنداردىڭ نەگىزگى تۇرلەرى: مەكتەپكە دەيىنگى تاربيە مەن وقىتۋ، ۇيىمدارداعى مەديسينالىق قىزمەتتەردى ۇيىمداستىرۋ؛ ەلدى مەكەندەردە كوشەلەردى جارىقتاندىرۋ؛ مادەني-ساۋىقتىرۋ جۇمىستارىن قولداۋ جانە ت.ب. ماقساتتى اعىمداعى ترانسفەرتتەردىڭ جوسپارى 1،2 ملرد تەڭگەنى قۇرادى. جالپى سوماداعى ناقتى قالدىقتار 5،7 ملرد تەڭگەنى قۇرادى.

بۇدان وزگە، ب.سۇلتانوۆ اۋىلدىق وكرۋگتەرگە ارنالعان مەملەكەتتىك ساتىپ الۋلار تۋرالى زاڭ جوباسىندا تومەنگى شەكتىك ءمان 3 000 اەك-كە (6،8 ملن تەڭگە) دەيىن ۇلعايتىلدى. بۇل ءبىر كوزدەن جوب-كە تىكەلەي جەتكىزۋشىمەن كەلىسىمشارتتار جاساۋعا مۇمكىندىك بەرەدى.

قورىتىندىلاي كەلە، قارجى ءمينيسترى ءجوب دەڭگەيىندە جۇرگىزىلەتىن جۇمىس جەكە تۇراقتى مونيتورينگ پەن باقىلاۋىنا الىنعانىن ايتتى.

سونداي-اق، وتىرىس بارىسىندا شىعىس قازاقستان وبلىسىنىڭ اكىمى د. احمەتوۆتىڭ، سولتۇستىك قازاقستان وبلىسىنىڭ اكىمى ق.اقساقالوۆتىڭ، قىزىلوردا وبلىسىنىڭ اكىمى ق.كوشەربايەۆتىڭ باياندامالارى تىڭدالدى.

ماسەلەنى قاراۋ قورىتىندىسى بويىنشا ق ر پرەمەر-مينيسترى باقىتجان ساعىنتايەۆ جەرگىلىكتى ءوزىن-وزى باسقارۋدى دامىتۋدىڭ كەزەڭدەرى مەملەكەت باسشىسى بەكىتكەن جەرگىلىكتى ءوزىن-وزى باسقارۋدى دامىتۋدىڭ 2020 جىلعا دەيىنگى تۇجىرىمداماسىندا انىقتالعانىن اتاپ ءوتىپ، ءبىرقاتار ناقتى تاپسىرمالار بەردى.

ۇلتتىق ەكونوميكا مينيسترلىگىنە تۇراقتى نەگىزدە جەرگىلىكتى ءوزىن-وزى باسقارۋدى دامىتۋعا مونيتورينگ پەن تالداۋ جۇرگىزۋ تاپسىرىلدى.

قارجى مينيسترلىگى اۋىلدىق وكرۋگتەردىڭ بيۋدجەتىمەن جۇمىس ىستەۋ ءۇشىن اقپاراتتىق جۇيەلەردىڭ ءتيىستى جۇمىس ىستەۋىن قامتاماسىز ەتۋ بويىنشا بارلىق دايىندىق شارالارىن اياقتاۋى ءتيىس.

اقپارات جانە كوممۋنيكاسيالار مينيسترلىگىنە ۋاكىلەتتى ورگانداردىڭ ءتيىستى اقپاراتتىق جۇيەلەرىن ينتەگراسيالاۋ بويىنشا جۇمىستى جەدەلدەتۋ تاپسىرىلدى.

ق ر پرەمەر-مينيسترىنىڭ ورىنباسارى ەربولات دوسايەۆ اۋىلدىق وكرۋگتەردىڭ بيۋدجەتىنىڭ ءتورتىنشى دەڭگەيىن ەنگىزۋ ماسەلەسىن ۇيلەستىرۋگە جاۋاپتى.