بۇگىن سولتۇستىك كورەيا ليدەرى كىم چەن ىن جاپونيا ارالىنا قارسى قوس بىردەي باليستيكالىق زىمىران ۇشىردى. بۇل تۋرالى Qamshy.kz پورتالى حابارلايدى.

رەسمي توكيو ازىرگە سولتۇستىك كورەيانىڭ بۇل ارەكەتىنە جاۋاپ قاتقان جوق.

الايدا بۇگىن تاڭەرگەڭگىسىن وڭتۇستىك كورەيا، اقش پەن جاپونيا-نىڭ بىرلەسكەن اسكەري جاتتىعۋلارىنا نارازىلىق رەتىندە جاپونيا ارالدارىنا باعىتتالعان قوس بىردەي جاقىن قاشىقتىققا ۇشاتىن باليستيكالىق زىمىران ۇشىردى.

ناۋرىزدىڭ اياعىنا دەيىن جالعاسىتان "Key Resolve"  جانە "Foal Eagle" ءۇش جاقتى اسكەري-وقۋ جاتتىعۋ شارالارىنا نارازىلىق بىلدىرگەن كحدر ليدەرى وڭتۇستىك كورەياعا اقش-پەن بىرىككەن جاعدايدا يادرولىق قارۋ قولداناتىنىن ەسكەرتكەن.

الايدا، كحدر-نىڭ باتىس جاعالاۋىنان ۇشىرىلعان زىمىراندار 490 كم قاشىقتىقتان كەيىن سۋعا قۇلاعان.

ناۋرىزدىڭ 2ء-سى كۇنى باستالعان "Key Resolve"  جاتتىعۋى وسى ايدىڭ اياعىنا دەيىن جالعاساتىن بولسا، "Foal Eagle" جاتتىعۋلارى ءساۋىردىڭ ورتا شەنىنە دەيىن جۇرگىزىلەتىن بولادى.

ەسكە سالا كەتسەك، پحەنيان بىلتىرعى جىلى دا اتالمىش وقۋ-جاتتىعۋلارى كەزىندە قارسىلىق بىلدىرگەن بولاتىن. ءتىپتى، كىم چەن ىن  قوس كورەيا اراسىنداعى شەكارانى جاۋىپ، تەلەفون بايلانىستارىن ۇزگەن ەدى.

ازىرگە جاپونيا پرەمەر ءمينيسترى سيندزو ابە وڭتۇستىك كورەيامەن اسكەري ىنتىماقتاستىقتى ارتتىراتىنىن ايتقان. سونداي-اق، جاپونيا اۋە جانە تەڭىز اسكەرلەرىنە ساقتىق شارالارىن نىعايتۋدى تاپسىرعان.