قازاقستاندا ءۇندى سەريالدارىن كورسەتۋ تۇرىك سەريالدارىنا قاراعاندا ءبىرشاما ارزان. بۇل تۋرالى بۇگىن "قازاقستان" ۇلتتىق تەلەارناسى" اق باسقارماسى ءتورايىمىنىڭ ءبىرىنشى ورىنباسارى ءلاززات ءجۇنىسوۆا ءمالىم ەتتى.

ونىڭ اتاپ وتۋىنشە، "قازاقستان" تەلەارناسى "كەلىن" تەلەسەريالىن ودان ارى كورسەتۋ، كورسەتپەۋ ماسەلەسىن جاڭا تەليەۆيزيالىق ماۋسىم باسىندا قابىلدايتىن بولادى.

"ءبىز ءارۋاقىتتا دا كورەرمەننىڭ قالاۋىنا باسا ءمان بەرەمىز. ەگەر كورسەتكىشتەر ءبىزدىڭ كۇتكەن ناتيجەگە ساي كەلسە، وندا ءبىز كورسەتىلىمدى جالعاستىرا بەرەمىز. ال ەگەر كورسەتكىش ءبىزدىڭ جوسپاردان تومەن بولاتىن بولسا، وندا كوركەمدىك كەڭەس شەشىم قابىلدايدى"، - دەدى ول.

سونىمەن قاتار، ول "كەلىن" سەريالىن كورسەتۋ قۇنى كوممەرسيالىق قۇپيا بولعاندىقتان جاريا ەتە المايتىندىعىن ايتا كەلە: "ءبىز سەريالدى قۇقىق يەلەنۋشىدەن تىكەلەي ساتىپ الامىز، سوندىقتان باعاسى تۇرىك سەريالدارىنا قاراعاندا ءبىرشاما ارزان. بۇعان قوسا، ءبىزدىڭ ارنامىزدا ءۇندى سەريالدارىنىڭ رەيتينگى جوعارى"، - دەدى.

ونىڭ ايتۋىنشا، ءۇندىستاندا سەريال ءتۇسىرۋ تۇركياعا قاراعاندا ءبىرشاما ارزان.

"ماسەلەن، "سۇلەيمەن سۇلتان" سەريالىنىڭ ءبىر سەرياسىنىڭ قۇنى شامامەن - 600 مىڭ دوللار. ال بىزدە ءبىر سەريانى تۇسىرۋگە شامامەن 25-30 مىڭ دوللار كەتەدى. ءۇندىستاندىق ارىپتەستەرىمىزدەن بىلۋىمىزشە، ولاردا دا ءبىر سەريا ءتۇسىرۋ قۇنى قازاقستانداعى باعامەن شامالاس"، - دەدى ءلاززات ءجۇنىسوۆا.