شىمكەنت گارنيزونى اسكەري سوتى 20030 اسكەري ءبولىمىنىڭ اسكەري قىزمەتكەرى پودپولكوۆنيك س.رەجەپوۆ ءوز قىزمەتتىك وكiلەتتiگىن اسىرا پايدالانعانىن، اۋىر زارداپتارعا اكەپ سوقتىرعان زاڭسىز كۇرەستى ۇيىمداستىرعانى ءۇشىن ايىپتى دەپ تانىلدى.

وعان 6 جىل مەرزىمگە باس بوستاندىعىنان ايىرۋ جازاسى ۇكىم نەگىزىندە تاعايىندالدى، دەپ حابارلادى سوتتىڭ ءباسپاوز قىزمەتى قازاقستان جاڭالىقتارى. قايعىلى وقيعا 2013 جىلدىڭ قاراشا ايىندا 20030 اسكەري بولىمىنە قاراستى ببب "ارنايى جاساق" بازاسىندا، كەلىسىمشارت قىزمەتىنىڭ بوس لاۋازىمىنا ىرىكتەۋ بارىسىندا ورىن الدى. 23-جاسار و.سۇلەيمەنوۆتى جەكپە-جەك وتكىزۋ بارىسىندا اۋىر باس جاراقاتىن الىپ، ەس-تۇسسىز جاتتى. مەديسينالىق قىزمەتكەرلەردىڭ سوڭىنا دەيىن جاردەم كورسەتكەنىمەن و.سۇلەيمەنوۆ ەسىنە كەلمەي اۋرۋحانادا قايتىس بولدى. جوعارىدا اتاپ كورسەتىلگەن ۇكىمگە سوتتالعان س.رەجەپوۆپەن قازاقستان اسكەري سوتىنىڭ قىلمىستىق ىستەر جونىندەگى اپەللياسيالىق سوت القاسىنا اپەللياسيالىق شاعىم كەلتىرگەن. قازاقستان اسكەري سوتىنىڭ قىلمىستىق ىستەر جونىندەگى اپەللياسيالىق سوت القاسىنىڭ قاۋلىسىنا ساي سوتتالعان س.رەجەپوۆكە جازا رەتىندە تاعايىندالعان 6 جىل مەرزىمگە باس بوستاندىعىنان ايىرۋ جازاسى وزگەرىسسىز قالدىرىلىپ، "پودپولكوۆنيك" شەنىنەن ايىرىلعان. ۇكىمى 10 اقپان 2015 جىلى زاڭدى كۇشىنە ەنگەن.