ناۋرىز مەرەكەسىنە وراي ەلىمىزدە گۇل باعاسى ەكى ەسەگە وسكەن.

وسى كۇنگە دەيىن 1 دانا راۋشان 400 تەڭگەدەن ساۋدالانسا، ءقازىر ونىڭ باعاسى 750 تەڭگەنى قۇراپ وتىر. فلوريستەر باعانىڭ كوتەرىلۋىن شەتەلدىك ارىپتەستەر جانە جەرگىلىكتى شارۋالارمەن بايلانىستىرادى. سەبەبى مەيرام كەزىندە سۇرانىس ارتادى. ونى پايدالانعىسى كەلەتىندەر دە از ەمەس. "ءبىر كۇنى جۇزدەن استام، ماسەلەن، 8 ناۋرىزدا بۇل جەرگە 500-دەن استام ادام كەلەدى. مىسالى بىزدە ءقازىر 50 راۋشان 36 مىڭ تەڭگە تۇرادى. ءبىزدىڭ جاساعان ەڭ قىمبات گۇل شوعىمىز 501 راۋشاننان تۇرادى. ونىڭ قۇنى 2500 دوللار بولدى"، - دەدى كاسىپكەر باتىرحان جاكەي. ەكونوميستەردىڭ ايتۋىنشا، 8 ناۋرىز كۇنى ەلىمىزدە ساتىلاتىن گۇل باعاسى 100 ميلليون دوللاردى قۇرايتىن كورىنەدى. ال سۇرانىستاعى گۇلدىڭ 70 پايىزى شەتەلدەن، تەك 30 پايىزى عانا جەرگىلىكتى شارۋالارعا تيەسەلى ەكەن.