كەشە اقش-تىڭ وڭتۇستىك كورەياداعى ەلشىسى مارك ليپپەرتكە قاستاندىق شابۋىل جاسالدى دەپ حابارلايدى  Qamshy.kz  پورتالى CNN-گە سىلتەمە جاساي وتىرىپ. اقش-تىڭ سەۋلدەگى وكىلەتتى ەلشىسى مارك ليپپەرتكە   ماڭىزدى ىسكەرلىك كەزدەسۋ بارىسىندا  بەلگىسىز قارۋلانعان ەركەك شابۋىل جاساعان. قولىنا وتكىر الماس ۇستاعان كۇدىكتى ەلشى مىنبەرگە شىعا بەرگەندە "وڭتۇستىك جانە سولتۇستىك كورەيا بىرىگۋى كەرەك" دەپ داۋىس كوتەرگەن. ارتىنان بەلگىلى بولعانداي  كوپشىلىك الدىنا بەتتەي بەرگەن ەلشىگە قاراي تۇرا ۇمتىلىپ، قولىنداعى الماسپەن دەنە جاراقاتىن كەلتىرگەن. شابۋىلدان قاتتى دەنە جاراقاتىن العان ەلشى تەز ارادا اۋرۋحاناعا جاتقىزىلدى. ال  دارىگەرلەر "ەلشى كوپ مولشەردە قان جوعالتقاندىقتان ءبىراز ۋاقىت دارىگەرلەردىڭ باقىلاۋىندا بولادى. الايدا ونىڭ دەنساۋلىعىنا كەلەتىن ءقاۋىپ جوق"،-دەيدى. قازىرگى تاڭدا سەۋل پوليسيا قىزمەتكەرلەرى كۇدىكتى ادامدى ۇستاپ، تەرگەۋگە الۋدا. ەلشىگە شابۋىل جاساعان ازاماتتىڭ جەكە باسىنا قاتىستى ازىرگە ەشبىر دەرەك  ايتىلماعان.  تەك ونىڭ ەسىمىنىڭ "كيم" ەكەندىگى عانا ءمالىم. اقش مەملەكەتتىك دەپارتامەنتى: "اقش-تىڭ  سەۋلدەگى ەلشىسىنە قاستاندىق جاسالعانى راس. ءقازىر ءبىز ءمان-جايدى تولىق تەكسەرىپ جاتىرمىز. قاستاندىقتى ۇيىمداستىرعاندار  مىندەتتى تۇردە جازاسىن الادى"دەدى. مارك ليپپەرت اقش-تىڭ وڭتۇستىك كورەياداعى ەشلىسى قىزمەتىنە 2014 جىلى تاعايىندالعان. بۇعان دەيىن ول اقش قورعانىس ءمينيسترىنىڭ ازيا ەلدەرى جونىندەگى كومەكشىسى قىزمەتىندە بولعان. http://youtu.be/Zg5IiEIRd88