مەكسيكانىڭ ەڭ بيىك تاۋى سانالاتىن وريسابا جانارتاۋىندا 55 جىل بۇرىن جوعالىپ كەتكەن ەكى بىردەي ءالپينيستتىڭ دەنەسى تابىلدى. بۇل تۋرالى  Qamshy.kz  پورتالى Examiner-گە سىلتەمە جاساي وتىرىپ حابارلايدى.

وريسابا جانارتاۋىن باعىندىرماقشى بولعان الپينيستەر  كەزدەيسوق قوس ادامنىڭ ءمايىتىن تاۋىپ العان. تابالعان قوس مايىتتەردىڭ بىرەۋىنىڭ دەنەسىن جانارتاۋدىڭ ەڭ ۇشىنان  300 مەتر جەردەن (بۇل شامامەن - 5610 مەتر)، ال ەكىنشىسىنىڭ دەنەسىن 150 مەتر قاشىقتىقتان تاپقان.

ۇزاق ۋاقىن توڭ مۇزدىڭ اراسىندا جاتقان الپينيستەردىڭ مايىتتەرى رەڭسىز مۋمياعا اينالعان.

ال قالا مەرى چالچيكومۋلا دە سەسما حۋان ناۆاررو جۋرناليستەرگە بەرگەن سۇحباتىندا "وسىدان 55 جىل بۇرىن، 1960 جىلى 3 بىردەي الپينيست وريسابانىڭ باسىنا شىعىپ، جوعالىپ ءىز-تۇسسىز كەتكەن. تابىلعان مايىتتەر جوعالىپ كەتكەن 3 ءالپينيستتىڭ ەكەۋىنىكى بولۋى مۇمكىن" - دەگەن.

"الايدا، مايىتتەردىڭ كىمگە تيەسىلى ەكەنىن ارنايى دنك ساراپتاماسىنىڭ قورىتىندىسى دالەلدەيتىن بولادى. ازىرگە تابىلعان مايىتتەردى الىپ كەلۋ مۇمكىن ەمەس. وعان جايسىز اۋا رايى مەن، قالىڭ قار قۇرساۋى كەدەرگى كەلتىرەدى. مايىتتەردىڭ دەنەلەرىن قازىپ الۋ جۇمىستارى اسا مۇقياتتىلىقتى تالاپ ەتەدى. ولار وتە ۇزاق ۋاقىت مۇز استىندا جاتقاندىقتان سۇيەكتەر تولىقتاي ءشىرىپ كەتكەن. قاتتى ۇستاساڭ ۇگىتىلىپ قالادى" دەيدى مەر.