ق ر پرەزيدەنتى نۇرسۇلتان نازاربايەۆتىڭ شاقىترۋىمەن رەسەي فەدەراسياسىنىڭ پرەزيدەنتى ۆلاديمەر پۋتين ناۋرىزدىڭ 12-13 كۇندەرى استاناعا كەلەدى. بۇل تۋرالى Qamshy،kz  پورتالى كرەمل باسپا ءسوز قىزمەتىنە سىلتەمە جاساي وتىرىپ حابارلايدى. رەسەي پرەزيدەنتى ۆ. پۋتين قازاقستان پرەزيدەنتى نۇرسۇلتان ءابىش ۇلىنىڭ ارنايى شاقىرتۋىمەن ناۋرىزدىڭ 12-13 كۇندەرى استانادا وتەتىن كەدەندىك جانە ەۋرازيالىق ەكونوميكالىق وداقتىڭ كەزەكتى وتىرىسىنا قاتىسادى. اتالمىش جيىنعا قازاقستان، رەسەي جانە بەلورۋسيا پرەزيدەنتتەرى قاتىسىپ، ءۇش ەل اراسىنداعى  ەۋرازيالىق ينتەگراسيالاردىڭ كەلەشىگى تالقىلانادى دەپ جوسپارلانۋدا. سونداي-اق، پرەزيدەنتتەر ءۇش ەل اراسىنداعى ساۋدا-ەكونوميكالىق قاتىناستاردىڭ قازىرگى جاعدايى، دامۋ باعىتتارىن، ەۋرازيالىق ينتەگراسيالىق پروسەسستەردى، الەمدىك ەكونوميكاداعى جاڭا تەندەنسيالار قاراستىرىلادى دەپ مالىمدەيدى ريا نوۆوستي. ال ق ر پرەزيدەنتى باسپا ءسوز قىزمەتىنىڭ مالىمەتىنشە "جيىن بارىسىندا قازىرگى تاڭداعى الەمدىك ساياساتتاعى اكتۋالدى پروبلەمالاردىڭ ءبىرى - ۋكراينانىڭ تولىق تەرريتوريالىق تۇتاستىعى" ماسەلەسى دە ءسوز ەتىلەدى دەلىنگەن. سونىمەن قاتار، ناۋرىزدىڭ 13ء-ى كۇنى ن. نازاربايەۆ پەن ۆ. پۋتين اراسىندا ەكىجاقتى كەزدەسۋ دە جوسپارلانعان.