ءتورت قازاق موسكۆاعا قۇرىلىسقا جۇمىسقا بارىپتى. وتە جاقسى جۇمىسشىلار نە ايتسا دا كونگىش ورىستارعا ۇناپ قالىپتى. ءبىر كۇنى ورىستار بۇلاردى سىناپ كورگىسى كەلىپ جۇمىس ۋاقىتىن 12 ساعات قىلىپتى. قازاقتاردا قارسىلىق جوق. ايلىقتارىن ەلۋ پايىزعا قىسقارتىپتى. تاعى دا ءۇن جوق. ەشقانداي ايلىق تولەمەي قويىپتى. سوندا دا قازاقتار جۇمىسىن ىستەپ جۇرە بەرىپتى. ءوز قۇقىعىن تالاپ ەتپەيتىن مۇنداي حالىق كورمەگەن ورىستار اشۋلانعانى سونشا ولاردى شاقىرىپ الىپ: - بۇگىن دەمالىڭدار، ەرتەڭ سەگىزدە كەلىڭدەر سەندەردى اسىپ ولتىرەمىز، - دەيدى. سول كەزدە ءبىر قازاق قولىن كوتەرىپتى. ورىستار قارسى شىعاتىن ءبىر ادام تابىلعانىنا قۋانىپ: - نە ايتاسىڭ ايت دەيدى. سوندا الگى قازاق: - ارقاندى پروفسويۋز بەرە مە الدە ءوزىمىز اكەلەيىك پە ؟ - دەپتى عوي.
ەسەت قالمانوۆ، Facebook پاراقشاسىنان
