قازاقستاندىق رەجيسسەر الىشەر سۇلەيمەننىڭ "لۋنا ليۋبيت سولنسە" قىسقامەتراجدى ءفيلمى 2015 جىلى كانن فەستيۆالىندە Short Film Corner باعدارلاماسىنا قاتىسادى.

قازاقستان باسپا ءسوز كلۋبى "Short Film Corner باعدارلاماسى بايقاۋ ەمەس، الايدا بۇعان قاتىسۋدىڭ ءوزى ءبىر ۇلكەن جەتىستىك ەكەنىن ايتتى. سونداي-اق ءفيلمدى تورتكۇل دۇنيەگە تانىتۋ مۇمكىندىگى تۋعانىن، تۋىندىنى الەمنىڭ تۇكپىر-تۇكپىرىنەن جينالعان اتاقتى پروديۋسەرلەر تاماشالايتىنىن اتاپ ءوتتى. "قازاقستاندىق كينويندۋستريانىڭ ورلەۋ ءداۋىرىن كورەتىن كەز جاقىنداپ قالعانىنا سەنەمىن. ونەرگە شىن بەرىلگەن تالانتتى جاستارىمىزدىڭ قاراسى كوبەيۋدە. قازاقستاندىق ءفيلمنىڭ كانن فەستيۆالىنە قاتىسۋى ادامداردى ءبولىپ تۇرعان شەكاراعا قاراماستان، بەيبىتشىلىك پەن كەلىسىمنىڭ، مەيىرىمدىلىك پەن قايىرىمدىلىقتىڭ ادامزاتقا ءاردايىم قاجەت ەكەنىن تاعى ءبىر مارتە راستايدى"، - دەيدى كينوكارتينانىڭ رەجيسسەرى الىشەر سۇلەيمەن. بيىلعى كانن فەستيۆالىنىڭ ەرەكشەلىگى، وندا العاش رەت اۋەسقويلىق فيلمدەر قاتىسادى، ىرىكتەۋ وتە قاتاڭ تۇردە ءوتتى جانە بۇل جولى تۋىندىلاردىڭ كاسىبي دەڭگەيى وتكەن جىلدارعا قاراعاندا الدەقايدا جوعارى بولماق. ايتا كەتسەك، "لۋنا ليۋبيت سولنسە" تۋىندىسى قازاقستاندىق رەجيسسەردىڭ 1990 جىلى شىققان "قۇس" كارتيناسىنىڭ جالعاسى.