الماتىدا تولە بي مەن دوستىق كوشەلەرىنىڭ قيىلىسىندا Tele2 بايلانىس وپەراتورىنىڭ ارانداتۋشىلىق سيپاتتاعى جارنامالىق بانەرى پايدا بولدى.

باننەردە كەلەسىدەي جازىلعان: "س دنەم روجدەنيا، دوروگوي كيسەل! تۆوي نەدوروگوي Tele2" - "تۋعان كۇنىڭمەن قىمباتتى كيسەل (سۋسىن ءتۇرى)! سەنىڭ قىمبات ەمەس Tele2-ڭ".

ەستەرىڭىزگە سالا كەتەيىك، ەكى كومپانيا اراسىندا بانەرلەر ارقىلى تەكەتىرەس مۇنىڭ الدىندا دا 2014 جىلدىڭ قىركۇيەگىندە بولعان.

ول كەزدە ءال-فارابي مەن ناۋاي كوشەلەرىنىڭ قيىلىسىنداعى عيماراتقا "Tele2" وپەراتورى باسەكەلەسىنىڭ بانەرىنىڭ جانىنا وزىنىكىن "Kcell رەكومەندۋەت Tele2" ("Kcell Tele2 –نى ۇسىنادى") بولىپ قيىساتىنداي ىلگەن.

"Tele2" كومپانياسىنىڭ باسپا ءسوز قىزمەتىنەن، بانەر 16-شى قىركۇيەكتە ورناتىلعانىن، جارنامالىق ناۋقان ءساتتى بولىپ، سۋرەتى الەۋمەتتىك جەلى پايدالانۋشىلارىنىڭ اراسىندا تەز تاراعانىن ايتىپ بەردى.

الايدا، مۇنى تۇسىنبەگەندەر دە تابىلعان: سول كۇنى بانەردى بەلگىسىز بىرەۋلەر ۇرلاپ كەتكەن. قۇقىق قورعاۋ ورگاندارىنا ۇرلىق بويىنشا ارىز ءتۇسىرىلدى.

قاڭتار ايىندا بانەرلەر بويىنشا سوت ءىسىنىڭ شەشىمى بەلگىلى بولدى. ول كەزدە "Tele2 –نى ۇسىنادى" ۇرانى جوسىقسىز جارناما بەلگىلەرىنە جاتقىزىلادى دەپ تانىلعان بولاتىن.