جۋرناليستەر! ەكپە سالعان بالالاردىڭ جاعدايى اۋىر. مارجان دەگەن انامەن سويلەستىم. قىزى 1 ايدان بەرى ناشار ەكەن. مەكتەپتەگى دارىگەرلەر رۇحساتسىز سالعان ەكپەنىڭ كەسىرىنەن جۇيكە جۇيەسى زاقىمدانعان. جاۋاپسىز سۇراق كوپ. ءۇندىستاننان كەلگەن ەكپە زەرتتەلدى مە؟ ەگەر سەنىمدى بولماسا بالالارعا نەگە ەكتى؟ ەم ىزدەپ شىرىلداعان اتا-انانى "بالالارىڭ وتىرىك اۋىرىپ جاتىر ۇبت-عا قاتىسپاس ءۇشىن" دەپ ايىپتاپتى بىرەۋلەر. الماتىعا شيپا ىزدەپ كەلگەن اكەگە ءبىر دارىگەر: "قىزىڭدى جىندىحاناعا اپارىپ ەمدەت" دەپتى... جۋرناليستەر نەگە ءۇنسىز؟ دەپۋتاتتاردىڭ داۋىسى نەگە باسەڭ؟ كۇنى كەشە عانا "جالاقىمدى قىسقارتپا" دەپ اتتاعان دەپۋتاتتار قايدا قالدى؟ حالىققا نەگە قىزمەت ەتپەيدى، نەگە دەنساۋلىق ساقتاۋ مينيسترىنە ساۋال جولدامايدى؟ ول ەكپەنى جاڭاوزەننەن باسقا تاعى قاي ايماقتارعا تاراتتى؟ قاۋىپسىزدىك شارالارى قاراستىرىلدى ما؟ باسقا بالالارعا زيانى تيمەي مە؟ ادام تاعدىرى سايلاۋ مەن ساياسي ناۋقانداردان قۇندى. سوندىقتان زاڭدار ادامدارعا قىزمەت ەتسىن! دابىل قاعايىق! قوعامدىق پىكىر تۋعىزايىق!
ءنازيا جويامەرگەن قىزى، Facebook پاراقشاسىنان
